އައްޑޫގައި އެއް މެގަވޮޓުގެ ބެޓަރީ ސްޓޯރޭޖް ސިސްޓަމަކާއި(ބީއީއެސްއެސް)، އެނާޖީ މެނޭޖްމަންޓް ސިސްޓަމެއް (އީއެމްއެސް) ގާއިމް ކުރުމުގެ މަސައްކަތް މިހާރު ކުރިއަށްދާކަމަށްން އެންވަޔަރަމެންޓް މިނިސްޓްރީން ބުނެފި އެވެ.
އެ މިނިސްޓްރީން ބުނީ އައްޑޫގައި އެއް މެގަވޮޓުގެ ބެޓަރީ ސްޓޯރޭޖް ސިސްޓަމަކާއި އެނާޖީ މެނޭޖްމަންޓް ސިސްޓަމެއް ގާއިމްކުރުމުން އައްޑޫގެ ކަރަންޓުގެ މައްސަލަ އަށް ހައްލެއް ލިބިގެންދާނެކަމަށެވެ. އަދި މި މަޝްރޫއު ނިމުމުން އައްޑޫގެ ކަރަންޓުގެ ނިޒާމު ސްޓެބަލައިޒް ވާނެ ކަމަށާއި ސޯލާ ހަކަތަ ހޯދަން ބޭނުންވާ ޕެނަލްތައް މިހާރަށް ވުރެ ގިނައިން ކަރަންޓު ގްރިޑާ ގުޅާލެވޭނެ ކަމަށެވެ.
އައްޑޫގައި އިރުގެ އަލިން ހަކަތަ އުފައްދާ ނިޒާމެއް ޤާއިމްކުރުމަށް އާންމުންގެ ޚިޔާލު ހޯދަނީ
ތެލަށް ބަރޯސާވާ މިންވަރު ކުޑަކުުރުމުގައި ރާއްޖޭގައި އާބާދީ ބޮޑެތި ރަށްރަށުގައި ސޯލަ ޕީވީ ނިޒާމް ގާއިމްކުރުމަށް އެންވަޔަރަންމަންޓް މިނިސްޓްރީ އާއި ވޯލްޑް ބޭންކް ގުޅިގެން ‘އެކްސެލަރޭޓިން ރިނިއުވަބަލް އެނާރޖީ އިންޓަގްރޭޝަން އެންޑް ސަސްޓެއިނަބަލް އެނާރޖީ “އެރައިޒް” ގެ ނަމުގައި މިހާރު ދަނީ ބޮޑު މަޝްރޫއެއް ހިންގަމުންނެވެ.
Pre commissioning works of 1MW Battery Energy Storage System (BESS) and Energy Management System (EMS) in Addu City is in progress. Completion of this project will help to stabilize the power system and will allow more Solar PV to be connected to the grid. pic.twitter.com/rGK1owULsj
— Min. of Environment, Climate Change and Technology (@MoEnvmv) July 26, 2021
އައްޑޫ ސިޓީގެ ކަރަންޓްގެ މައްސަލައަށް އެކަށީގެންވާ ހައްލެއް ނުލިބި ގިނަ ދުވަސްތަކެއް ވެފައިވާއިރު މި ކަމުގެ ސަބަބުން ހިފާ ގެންގުޅޭ އަގު ބޮޑު ސަމާނަށް ގެއްލުން ލިބެމުންދާ ކަމުގެ ކަންބޮޑުވުންތަކަކީ އެ ސިޓީގެ ރައްޔަތުންގެ އަބަދުވެސް ޝަކުވާއެކެވެ.
