ޔޫރޯ 2020 ގައި މިރޭ ގްރޫޕް ބީގައި ފިންލެންޑްއާ ދެކޮޅަށް ކުޅުނު މެޗުގައި ޑެންމާކްގެ މިޑްފީލްޑަރު ކްރިސްޓިއަން އެރިކްސަން ދަނޑުމައްޗަށް ހޭނެތިގެން ވެއްޓުމުން މެޗު ހުއްޓާލައިފިއެވެ.
އުމުރުން 29 އަހަރުގެ އެރިކްސަން، ދަނޑުމައްޗަށް ވެއްޓުނީ ފުރަތަމަ ހާފުގެ ކުޅުން ނިމެން ދެ މިނެޓަށްވެފައިވަނިކޮށްނެވެ. އެންމެ ފުރަތަމަ ދަނޑުމަތީގައި އޭނާ އަށް ފަރުވާ ދިނުމަށްފަހު، މިހާރު އިތުރު ފަރުވާ އަށް ހޮސްޕިޓަލަށް ވަނީ ގެންގޮސްފައެވެ.
އެރިކްސަން ވެއްޓުމާއެކު ޑެންމާކްގެ ކުޅުންތެރިން ތިބީ ވަށައިގެން ސަފެއްގައި އެތުރިގެން އޭނާ އަށް ފަރުވާދެމުންދާ މަންޒަރު ބެލުންތެރިންނަށް ނުފެންނާނެގޮތަށް ހުއްޓިގެންނެވެ.
މި ހިތާމަވެރި ހާދިސާއާ ގުޅިގެން ޔުއެފާ އިން ނެރުނު ބަޔާނެއްގައިވަނީ، ސިއްހީ އެމާޖެންސީއެއްގެ ސަބަބުން ޑެންމާކާ ދެކޮޅަށް ފިންލެންޑް ކުޅުނު މެޗު ހުއްޓާލާފައިވާ ކަމަށެވެ.
The UEFA EURO 2020 match in Copenhagen has been suspended due to a medical emergency.
— UEFA (@UEFA) June 12, 2021
މި ކަމާ ގުޅިގެން ޑެންމާކުގެ ފުޓްބޯޅަ ފެޑެރޭޝަނުން ނެރުނު ބަޔާނެއްގައި ބުނެފައިވަނީ އެރިކްސަން ހޭއަރާފައިވާ ކަމަށާއި މިވަގުތު ހޮސްޕިޓަލްގައި އިތުރު ޓެސްޓްތައް ހެދުމުގެ ކަންކަން ކުރެވެމުން އަންނަ ކަމަށެވެ.
މި މެޗުގެ ކުޅުން ހުއްޓާލިއިރު ދެ ޓީމުވެސް އޮތީ 0-0 އިން އެއްވަރުވެފައެވެ. ޔުއެފާ އިން މި މެޗާއި މެދު ދެން އަމަލު ކުރާނެ ގޮތެއް މިރޭގެ ވަގުތެއްގައި އިއުލާންކުރާނެ ކަމަށް ވަނީ ބުނެފައެވެ.
މިރޭގެ މެޗާއި ކުރިމަތިލިއިރު، މި ފަހަރުގެ މުބާރާތުގައި މިހާތަނަށް ވަނީ ދެ މެޗު ކުޅެފައެވެ. މި މުބާރާތުގެ ފުރަތަމަ މެޗުގައި ދުނިޔޭގެ ފުޓްބޯޅައިގެ ގަދަބާރު އިޓަލީން ވަނީ 3-0ގެ ތަފާތަކުން ތުރުކީ ބަލިކޮށްފައެވެ. މި ގްރޫޕުގައި ކުޅުނު ދެވަނަ މެޗުގައި މިރޭ އިރުއޮއްސުނު ގަޑީގައި ވޭލްސްއާ ދެކޮޅަށް ސްވިޒަލޭންޑް ކުޅުނު މެޗު ނިމުނީ 1-1 އިން ދެ ޓީމު އެއްވަރުވެގެންނެވެ.
Following the medical emergency involving Denmark’s player Christian Eriksen, a crisis meeting has taken place with both teams and match officials and further information will be communicated at 19:45 CET.
The player has been transferred to the hospital and has been stabilised.
— UEFA (@UEFA) June 12, 2021
“Christian Eriksen breathes and can speake. He’s awake”. Martin Schoots, Eriksen agent, just told this to NPO Radio1 after speaking with Christian’s father, reports @OzcanAkyol. 🇩🇰❤️🙏🏻 #prayforEriksen
— Fabrizio Romano (@FabrizioRomano) June 12, 2021