ްޓާޕްލަސް އިން މިހާތަނަށް ދެއްކި އެންމެ ކާމިޔާބު އެއް ސިލްސިލާއަކީ ‘އިސްޕިޔާރުކޯ ކިޔާ ނާމްދޫ’ އެވެ. ހުޝީ ކުމާރީ ގުޕްތާ އާއި އަރްނަވް ސިންގް ރައިޒާދާ ގެ މޮޅު ހުނަރުގެ ސަބަބުން އެ ޑްރާމާ ވަނީ މަދު ދުވަސްކޮޅެއްގެ ތެރޭގައި ގިނަ ބައެއްގެ މަގުބޫލުކަން ހޯދާފައެވެ.
މި ޑްރާމާގެ ކާމިޔާބު ދެ ޝޯ ނިންމާލާފައިވާއިރު މިދިޔަ ޖުލައި މަހު ވަނީ މި ސިލްސާލާގެ ތިންވަނަ ޝޯ ފެށާފައެވެ. ގިނަ ދުވަސްތަކެއްގެ މެދު ކެޑުމަކަށްފަހު ބަރުން ސޯބްތީ(އަރްނަވް) ގެ އިސްޕިޔާރުކޯ ކިޔާނާމް ދޫ އަށް ގިނަ ބަޔަކު އިންތިޒާރުކުރިކަމުގައި ވިޔަސް މި ސިލްސާލާ ފެށިގެން ދެމަސްވިއިރު ބެލުންތެރިންގެ ފަރާތުން ޑްރާމާއެއް މާ ބޮޑު ތަރުހީބެއް ލިބިފައެއް ނެތެވެ. އެންމެފަހުން ޑްރާމާގެ ޓީއާރްޕީ ދަށްވުމުގެ ސަބަބުން ޕްރޮޑިއުސާރ ގުލްހާން މިވަނީ މި ސިލްސިލާ ނިންމާލަން އުޅޭކަން އިއުލާންކޮށްފައެވެ.
އަންނަ އޮކްޓޯބަރު މަހުގެ 06 ވަނަ ދުވަހު މި ސިލްސިލާގެ ފަހު އެޕިސޯޑް ދައްކާ ގޮތަށް ހަމަޖެހިފައިވާއިރު ކުރީގެ ބައިތަކަށް ލިބުނު ތަރުހީބު މިފަހަރު ނުލިބުނީ ޑްރާމާގެ ވާހަކަ ތަފާތުވުމުން ކަމުގައި ގުލްހާންވަނީ ބުނެފައެވެ.”ސީކުއެލް އެއް ހެދުމަކީ ރިސްކެއް. ސަބަބަކީ އެންމެންވެސް ބޭނުންވާނީ ކުރީގެ ބައިތަކުން ފެނުނު ރަހަތައް. ތަފާތުވެއްޖެއްޔާ ބެލުންތެރިންނަށް ކަމަކުނުދާނެ. މިފަހަރު އިސްޕިޔާރު ކޯ އަށްވެސް ދިމާވީ އެކަހަލަ މައްސަލައެއް.” ގުލްހާން ބުނެފައިވެއެވެ. މީގެ އިތުރުން އޭނާ ބުނެފައިވަނީ މީ ތަޖުރިބާއެއްކަމަށާއި ކުރިއަށް އޮށްތަނުގައި އެ ޓީމުގެ އިތުރު މަސައްކަތްތައް ފެނިގެންދާނެކަމަށެވެ.
