1. އޭއޯ ރޯދައިގެ ބަދިގެ އަކީ ކޮންމެ އަހަރެއްގެ ވެސް ރަމަޟާން މަހަށް ޚާއްޞަ ކޮށްގެން އޭއޯ ނިއުސް އިން ގެނެސްދޭ ޚާއްޞަ ކޮލަމެކެވެ. މި ގޮތުން ރޯދަ މަހުގެ17 ވަނަ ދުވަހަށް ޚާއްޞަ ކޮށްގެން މިގެނެސްދެނީ ވަރަށް ތަފާތު އަދި މީރު “ މޮންގޯލިއަން ރައިސް ” ތައްޔާރުކުރާނެ ގޮތެވެ.

2 ޖޯޑު ކައްކާފަ ހުރި ބާސްމަތީ ރައިސް
1 ފިޔާ ކޮށާފައި
3 ލޮނުމެދު ޗޮޕްކޮށްފައި
1/2 ސައިސަމުސާ ގާނާފަ ހުރި އިނގުރު
ލޮނު (ރަހަލާވަރަށް)
1/2 ސައިސަމުސާ ތެޅިމިރުސް
1/2 ސައިސަމުސާ އަސޭމިރުސް
300ގ ރޯފިލުވާފައި ހުރި ބޯންލެސް ކުކުޅު (ކުދިކޮށް ކޮށާފައި)
1 ޖޯޑު ކުދި ޝްރިމްޕް
1 ޖޯޑު ސްޕްރިންގ އޮނިއަން
3 ބިސް
1/2 ޖޯޑު ރަތް އަދި ފެހި ކެޕްސިކަމް
1 ޖޯޑު ކެބެޖް
1 މޭޒުމަތީސަމުސާ އޮއިސްޓަރ ސޯސް
3 މޭޒުމަތީ ސަމުސާ ސޯޔާސޯސް
3 މޭޒުމަތީ ސަމުސާ އޮލިވް އޮއިލް

މޮންގޯލިއަން ރައިސް ތައްޔާރުކުރާނެ ގޮތް:

AD

އުނދުންމައްޗަށް ތަވައެއް އުދުމަށްފަހު ތެޔޮފޮދު އަޅާ ހޫނުވުމުން އިނގުރު، ލޮނުމެދު އަދި ފިޔާކޮޅު ޝްރިމްޕް އަޅާ ވަޅޯކޮށްލާށެވެ. ދެން ކެޕްސިކަމް، ކުކުޅު އެޅުމަށްފަހު 3 މިނެޓް ވަންދެން ކައްކާލާށެވެ. ތަވާގައި ހުރި އެތިކޮޅު ތަވައިގެ އެއްކައިރިއަށް ޖައްސާލުމަށްފަހު ބިސް ކޮޅުއަޅާ ރޯފިލުވާލާށެވެ.

އެއަށްފަހު ކެބެޖް، ސްޕްރިންގ އޮނިއަން، ތެޅިމިރުސް، އަސޭމިރުސް އަޅާ ރަނގަޅަށް މޯޅި ކޮށްލާށެވެ. ދެން ސޯސްތަކާއި ލޮނު އަޅާލުމަށްފަހު ބަތް އަޅާ ރަނގަޅަށް އެއްކޮށްލާށެވެ. ގާނިޝް ކޮށްލުމަށް މައްޗަށް ސްޕްރިންގ އޮނިއަން ކޮޅެއް ބުރުވާލާފައި ސާރވް ކުރާށެވެ.