މެކްސިކޯގެ މެދުތެރެއަށް އިއްޔެ އައި 7.1 މެގްނިޓިއުޑުގެ ބާރުގަދަ ބިންހެލުމުގެ ސަބަބުން ގިނަ އަދަދެއްގެ އިމާރާތްތައް ވެއްޓި، 200 އަށްވުރެ ގިނަ މީހުން މީހަކު މަރުވެއްޖެ އެވެ. ޔޫއެސް ޖިއޮލޮޖިކަލް ސާވޭއިން ބުނި ގޮތުގައި އެބިންހެލުން އައިސްފައިވަނީ މެކްސިކޯ ސިޓީގެ 120 ކިލޯމީޓަރު ދުރުން، 51 ކިލޯމީޓަރު އަޑިއަށެވެ. މި ބިންހެލުމުގެ ސަބަބުން މެކްސިކޯގެ މޮރެލޮސް އަދި ޕުއެބްލާއަށް ވަނީ ބޮޑެތި ގެއްލުންތަކެއް ވެފައެވެ.
މެކްސިކޯ ސިޓީއިން ވެއްޓިފައިވާ އިމާރާތްތަކުގެ ދަށުން 60 އަށްވުރެ ގިނަ މީހުން ސަލާމަތްކޮށްފައިވާއިރު މި ހާދިސާގައި ސްކޫލެއްގައި ކިޔަވަމުންދިޔަ 21 ކުދިންވަނީ މަރުވެފައެވެ. މި ބިންހެލުމުގައި މެކްސިކޯ ސިޓީއިން 49 މީހުން މަރުވިއިރު މެކްސިކޯ ސްޓޭޓުން 10 މީހުން ވަނީ މަރުވެފައިވެއެވެ. މީގެ އިތުރުން އެރޭރޯ އިން 3 މީހުން މަރުވެފައިވާއިރު މޮރެލޮސް ސްޓޭޓުން 55 މީހުން އަދި ފުއެބްލާއިން 32 މީހުންވަނީ މަރުވެފައެވެ. މި ބިންހެލުމުގެ ސަބަބުން މިލިއަނެއްހާ މީހުން ކަރަންޓާއި ފޯނުގެ ހިދުމަތުން މަހުރޫމްވެފައިވާއިރު ގޭސް ހޮޅިތައް ފަޅައިގެން ގޮސްފައިވުމުގެ ސަބަބުން ދުންފަތުގެ އިސްތުއުމާލު ނުކުރުމަށް ފުލުހުންވަނީ އިލްތިމާޒުކޮށްފައެވެ
މި މަހުގެ ކުރީކޮޅުވެސް އެ ގައުމުގެ ދެކުނުގެ ސަރަހައްދަށް އައި 8.1 މެގްނިޓިއުޑް ގެ ބިންހެލުމެއްގައި މަދުވެގެން 90 މީހުންވަނީ މަރުވެފަ އެވެ.
