ރާއްޖޭގެ ޚާރިޖީ ވަޒީރު ޢަބްދުﷲ ޝާހިދުގެ ބޮޑުދައިތާފުޅު މިއަދު އަވަހާރަވެއްޖެއެވެ. ޢަބްދުﷲ ޝާހިދުގެ އަމިއްލަ ޓުވިޓާގައި ވިދާޅުވީ ބޮޑުދައިތަ ހައްވާ ޖަމީލް މ. ދަރަވަންދޫގެ އުތުރުގެ ، ދާދިދެންމެއަކު އަވަހާރަވެއްޖެކަމަށާއި މަރްޙޫމާގެ ފުރާނަފުޅަށް ސުވަރުގޭގެ މަތިވެރި نعمه ދެއްވުން އެދި الله سبحانه وتعالىގެ މަތިވެރި حضرة ގައި دعاء ދަންނަވާކަމަށެވެ. އެމަނިކްފާނުގެ އިތުރު ޓުވީޓެއްގައި ބޮޑުދައިތާފުޅުގެ ލޯތްބާއި އަޅާލުމުގެ ހަނދާންތައް އަބަދުވެސް ދެމި ހުންނާނެ ކަމަށް ވިދާޅުވެފައި ވެއެވެ.
އަޅުގަނޑުގެ ލޮބުވެތި ބޮޑުދައިތަ ހައްވާ ޖަމީލް މ. ދަރަވަންދޫގެ އުތުރުގެ ދާދިދެންމެއަކު އަވަހާރަވެއްޖެއެވެ.
މަރްޙޫމާގެ ފުރާނަފުޅަށް ސުވަރުގޭގެ މަތިވެރި نعمه ދެއްވުން އެދި الله سبحانه وتعالىގެ މަތިވެރި خضرة ގައި دعاء ދަންނަވަމެވެ. أمين! pic.twitter.com/PDfHm96hn5
— Abdulla Shahid (@abdulla_shahid) February 21, 2021
މަރްހޫމާ ޙައްވާ ޖަމީލަކީ ރާއްޖޭގެ އުސްތާޛުލް ޖީލު މުޙައްމަދު ޖަމީލުދީދީ ގެ ކޮއްކޯފުޅެވެ.
މާތް ﷲ މި މަރްހޫމާ ގެ ފުރާނަފުޅަށް ސުވަރުގޭގެ މަތިވެރި نعمه ދެއްވުން އެދި ދުޢާ ދަންނަވަމެވެ. އަދި ޢާއިލާއަށް ކެތްތެރިކަން މިންވަރު ކުރައްވާށިއެވެ.
