ރައްޔިތުންގެ މަޖްލީހުގެ ހުޅުދޫ ދާއިރާގެ ކުރީގެ މެންބަރު މުޙައްމަދު ޝާހިދު (ޝާޑް) ރޭގެ ވަގުތެއްގައި ‘ވަރަށް ސިއްރުން’ ކުރެއްވި ކައިވެނީގެ ވާހަކަ މުޅި ސޯޝަލް މީޑިއާ ފަތަހަކޮށްފައިވާއިރު ޝާޑުގެ ކުރީގެ އަނބިކަބަލުން އަދި ކުރީ ސަރުކާރުގެ ޔޫތު މިނިސްޓަރ އިރުތިޝާމް އާދަމް މިވަނީ ވަރަށް ތަފާތު ޓުވިޓެއްކުރައްވާފައެވެ.
އިރުތިޝާމް މިއަދު ކުރެއްވި ޓުވިޓްގައި ވިދާޅުވީ ބޭރުފުށުން ފެންނަ ކަންކަމާއި، ތިމާއަށް ނޭނގޭ ކަންކަމާއި އަދި އެތެރެފުށުގައި ފޮރުވިފައި ހުންނަ ކަންކަމުން، މުޅިން އެހެން ގޮތަކަށް ޤަބޫލުކުރަން ޖެހިދާނެކަމަށެވެ. އެހެންކަމުން ބޭރުފުށަށް އެކަނި ބަލައި ގޮތް ނިންމުމަކީ އެންމެ ރަނގަޅު ގޮތްކަމަށް ނުވެދާނެކަމަށް އިރުތިޝާމް ވަނީ ވިދާޅުވެފައެވެ. “މުސްކުޅި ހަރުބަހެއްގައި ވެއެވެ. ވިދާހާ އެއްޗަކީ ރަނެއްނޫނެވެ” އިރުތިޝާމްގެ ޓުވިޓްގައި ވިދާޅުވެފައިވެއެވެ.
What u see , what u dont know, and is hidden may cover a whole new perspective . So its best not to take things at face value ?
As the old saying “ everything that glitters is not gold “ .???♀️?♀️???— Iru(Iruthisham) Adam (@IruthishamAdam) January 2, 2021
އިރުތިޝާމްގެ މި ޓުވިޓްގައި ވަކި މީހަކަށް އަމާޒުކޮށް، އެއްވެސް މީހެއްގެ ނަން ހާމަކޮށްފައިނުވާއިރު ގިނަ ބަޔަކުވަނީ މިއީ ޝާހިދު ކުރެއްވި ކައިވެންޏާއި ގުޅިގެން އިރުތިޝާމު ކުރެއްވި ޓުވިޓެއްކަމުގައި ބުނެފައެވެ. އެހެންނަމަވެސް މި ވާހަކަތަކަށް އަދި މިހާތަނަށް އިރުތިޝާމު އެއްވެސް ޖަވާބެއް ދެއްވާފައެއް ނުވެއެވެ.
ރައްޔިތުންގެ މަޖިލީހުގެ އައްޑޫސިޓީގެ ހުޅުދޫ ދާއިރާގެ ކުރީގެ މެމްބަރު މުހައްމަދު ޝާހިދުގެ ކައިވެނީގެ އުފަލުގައި ރޭ ހޮޓެލް ޖެންގައި ހާއްސަ ހަފްލާއަށް ބާއްވާފައިވާއިރު މި ހަފްލާގައި ބައިވެރިވެފައިވަނީ ވަރަށް ގާތް ފަރާތްތަކުންކަމަށް މައުލޫމަތު ލިބެއެވެ،