އިލެކްޝަންސް ކޮމިޝަނުގެ އަގުވައްޓާލަން ސާބިތު ނުހިފޭ ވާހަކަ ދެއްކުން ހުއްޓާލުމަށް އެ ކޮމިޝަނުގެ ރައީސް އަހުމަދު ޝަރީފް ގޮވާލައިފިއެވެ.
ޝަރީފު ކުރެއްވި ޓުވިޓެއްގައި ވިދާޅުވީ އީސީ ގެ އަގުވައްޓާލަން ސާބިތު ނުހިފޭ ވާހަކަ ނުދެއްކުމަށާއި އީސީ ގެ ބަހެއް ނުހޯދާ ހަގީގަތާއި ހިލާފު ވާހަކަށްތައް ނުފެތުރުމަށް ގޮވާލާފައެވެ. “އީސީގެ އަގު ވައްޓާލަން ސާބިތުނުހިފޭ ވާހަކަ ނުދައްކަވާ. މިހާރަށް މައުލޫމާތު ދެއްވި ބޭފުޅަކު ކީއްވެބާ ވިދާޅުނުވީ އީސީގެ ކަންކަން މިހާރު އިސްލާހުކުރެވިފައިވާ ވާހަކަ ހާމަނުކުރެއްވީ، ކޮމިޓީއިން އަޅުގަނޑުގެ ކައިރީގައި ބުނި މި ދެންނެވި ވާހަކަ” ޝަރީފް ވިދާޅުވިއެވެ.
EC ge baheh nuhoadhaa Hageegathaa khilaafu vaahaka fauthurai EC ge agu vahtaalan masahkai nukurey @Mihaarunews @VaguthuOnline @avasmv @JazeeraBrk @sunbrk @psmnewsmv @raajjemv
— Ahmed Shareef (@ShareefRangondi) November 21, 2020
ސިއްރުކޮއްގެން ބޭއްވުނު ކޮމެޓީ ބައްދަލުވުމެއްގައި ދެކެވުނު ވާހަކައެއް އެއީ ހަގީގަތަކަށް ހަދައިގެން އެ ކޮމެޓީ ގެ މެމްބަރަކު ކޮމެޓީ ނަމުގައި ވާހަކަދެއްކިދާނެތޯ ވެސް ޝަރީފުވަނީ ސުވާލު އުފައްދާފައެވެ.
EC ge agu vahtaalumah saabithu nuhifey vaahaka nudhahkavaa, mihaaru ah mauloomaath dhehvi beyfulhaku keehvebaa vidhaalhu nuvee EC ge kankan mihaaru islaahu kurevifai vaakan haama nukuree, committee in alhugandu kairee ga buni midhenevi vaahaka https://t.co/J6GQ1m2HaG
— Ahmed Shareef (@ShareefRangondi) November 21, 2020
ޖިންސީ ފުރައްސާރައިގެ ތުހުމަތުތަކާ ގުޅިގެން މިދިޔަ ބުރާސްފަތި ދުވަހު އީސީގެ ނައިބު ރައީސްގެ މަގާމުގައި ހުންނެވި އަހުމަދު އަކްރަމް ވަނީ މަގާމުން އިސްތިއުފާ ދެއްވާފައެވެ. އަކްރަމް އިސްތިއުފާ ދެއްވީ އެ މައްސަލައާ ގުޅިގެން އޭނާ މަގާމުން ވަކިކުރަން ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމިޓީން ފާސްކޮށްފައިވަނިކޮށެވެ.
