ތިން މަސް ދުވަހަށްވުރެ ގިނަ ދުވަހު މާލެ ސަރަޙައްދުގެ މިސްކިތްތަކުގައި ޖަމާޢާތުގައި ނަމާދުކުރުން މެދުކެނޑިފައި އޮތުމަށްފަހު، މާދަމާގެ މަޣްރިބު ނަމާދުން ފެށިގެން މާލެ އާއި ހުޅުމާލެ އަދި ވިލިމާލެ އާއި ތިލަފުށީގެ އިތުރުން ގުޅިފަޅުގެ ހުރިހާ މިސްކިތެއްގައި ޖަމާޢަތުގައި ނަމާދުކުރުން އެންމެ ރަނގަޅު ކަމުގައި އިސްލާމިކް މިނިސްޓްރީން ބުނެފި އެވެ.
އިސްލާމިކް މިނިސްޓްރީން މިރޭ ނެރުނު ސަރކިއުލަރއެއްގައި ވަނީ މިސްކިތްތަކުގައި ޖަމާޢަތުގައި ނަމާދުކުރުމަށް އަލުން ހުޅުވާލި ކަމުގައިވިޔަސް، ސިޓީ ކައުންސިލްތަކުންނާއި، ނަމާދަށް ދާ މީހުންގެ އިތުރުން އިމާމުން ޢަމަލުކުރަންވީ ގޮތްވެސް ބަޔާންކޮށްފަ އެވެ.
ސިޓީ ކައުންސިލުން ސަމާލުކަން ދޭންވީ ކަންތައްތައް:
މިސްކިތަށް ނަމާދަށް ދާ ފަރާތްތަކުން ސަމާލުކަން ދޭންވީ ކަންތައްތައް:
އިމާމުން ސަމާލުކަން ދޭންވީ ކަންތައްތައް:
މީގެ އިތުރުން މި ދަނޑިވަޅުގައިވެސް ކަމާބެހޭ ފަރާތްތަކުން ދޭ އިރުޝާދުތަކާ އެއްގޮތަށް ޢަމަލު ކުރުމަށާއި، ފަރުޟު ނަމދުގެ އިތުރުން ހެޔޮ ޢަމަލުތައް ގިނަކޮށް، ފެތުރިފައިވާ ބަލިމަޑިކަމުން ﷲގެ އަޅުތަކުން ސަލާމަތްކޮށްދެއްވުން އެދި މާތްﷲގެ ޙަޟްރަތަށް ދުޢާ ދެންނެވުމުގައި ދެމިތިބުމަށްވެސް އިސްލާމިކް މިނިސްޓްރީން ވަނީ ނަސޭހަތްތެރިވެފަ އެވެ.
“އަދި ހަމަ އެ ފަސައިން ﷲ ސުބްޙާނަހޫ ވަތަޢާލާ އަޅަމެންގެ ދުޢާ އިޖާބަ ކުރައްވައި، އެކަލާނގެ އޯގާވަންތަކަމާއި ދީލަތި ރަޙްމަތުން ފެތުރެމުންދާ ބަލީގެ ނުރައްކާ ކުޑަކުރައްވައި މިސްކިތުގައި ޖަމާޢަތް ހަދައިގެން ނަމާދު ކުރުމުގެ ފުރުޞަތު ފަހިވެފައިވާތީ، ﷲ އަށް ޝުކުރު ކުރުން މަތީ ދެމި ތިބުމަށް ރައްޔިތުންނަށް ވަޞިއްޔަތް ކުރަން.”، އެ ސަރކިއުލަރގައި ބުނެފައި ވެއެވެ.
