ރާއްޖޭގެ އެކި ހިސާބުތަކަށް ކުރަމުންދާ ވިއްސާރައިގައި ވައިގަދަވުމުގެ ސަބަބުން މާލޭ ކުޅިވަރު އެކުވެނީގެ ފުރާޅު އެއްލާލައިފި އެވެ.
ޔޫތު މިނިސްޓަރ އަޙްމަދު މަހުލޫފް ކުރެއްވި ޓްވީޓެއްގައި ވިދާޅުވީ މިއަދު ވައި ބާރުވި ވަގުތު ކުޅިވަރު އެކުވެނީޣެ ފުރާޅުން ބޮޑު ބައެއް އެއްލާލާފައިވާ ކަމަށެވެ. އެ ޓްވީޓާއެކު މިނިސްޓަރ ވަނީ އެކުވެނީގެ ފުރާޅު އެއްލައިލާ މަންޒަރު ފެންނަ ވީޑިއޯއެއްވެސް އެޓޭޗްކުރައްވައިފަ އެވެ.
Miadhu vaibaaruvi vaguthu Kulhivaru Ekuveneege furaalhun bodu baehvanee ellaalaafa. pic.twitter.com/sQlwvG8EpS
— Ahmed Mahloof (@AhmedMahloof) June 13, 2020
މީގެ އިތުރުން މާލޭގައި ހަދަމުން އަންނަ އިމާރާތެއްގައި ވަކިން އުސްކޮށް ރާނާފައި ހުރި ފާރެއް ވެއްޓި، ދެ ގެއަކަށް ވަނީ ގެއްލުން ލިބިފައެވެ.
މިރޭ ރާއްޖޭގެ އެކި ހިސާބުތަކަށް ގުގުރުމާއެކު ބޯކޮށް ވާރޭވެހި، ވައިގަދަވާނެ ކަމަށް ލަފާކުރެވޭތީ ސަމާލުވުމަށް މޯލްޑިވްސް ޕޮލިސް ސަރވިސް އިން ވަނީ އިލްތިމާސްކޮށްފަ އެވެ. އެގޮތުން ދަތުރުކުރާއިރު އަދި އުޅަނދުފަހަރު ދުއްވާއިރު ސަމާލުވުމަށް ވަނީ އަންގައިފަ އެވެ. އަދި ގޭގޭގެ ފުރާޅުގައާއި ބެލްކަނީތަކުގައި ގަދަ ވަޔާއެކު އުދުހިގެންގޮސްދާނެ ފަދަ ތަކެތި ނުބެހެއްޓުމަށްވެސް ފުލުހުން ވަނީ އިލްތިމާސްކޮށްފަ އެވެ.
We have received multiple reports of damages and fallen trees caused by strong winds. Refrain from going out unless absolutely necessary and always commute with caution during this weather. #WeatherAware 2/2
— Maldives Police (@PoliceMv) June 13, 2020
ފުލުހުން ބުނީ ވައިގަދަވުމުގެ ސަބބަުން ގަސްތައް ވެއްޓިގެން އަދި އެކިވަރުގެ ގެއްލުންތައް ލިބިގެން ގިނަ އަދަދަކަށް ރިޕޯޓްކޮށްފައިވާ ކަމަށެވެ. އެހެންކަމުން ކޮންމެހެން ބޭރަށް ދާން ނުޖެހޭނަމަ، ނުނިކުތުމަށާއި ދަތުރުކުރުމުގައި ސަމާލުވުމަށް ފުލުހުން ވަނީ އިލްތިމާސްކޮށްފަ އެވެ.
