ރާއްޖެއިން އިތުރު 42 މީހަކު ކޮވިޑް-19 އަށް ޕޮޒިޓިވްވެއްޖެ އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ހާމަކުރާ ގޮތުގައި މިއަދު 15:00 އާއި ހަމައަށް އިތުރު 01 ދިވެއްސަކާއި، 28 ބަންގްލަދޭޝް ރައްޔިތުންގެ އިތުރުން އިންޑިއާގެ 13 މީހަކު ވަނީ ޕޮޒިޓިވްވެފަ އެވެ. މީގެ ތެރޭގައި ހިމެނެނީ އުމުރުން 20 އަހަރާއި 56 އަހަރާއި ދެމެދުގެ މީހުންނެވެ. މި އެންމެންގެ ހާލުވެސް ރަނގަޅެވެ.
✳️ COVID-19 Case Updates
As of 03:00pm
Confirmed an additional 42 cases of COVID-19 infection in Maldives.
– 01 Maldivian
– 28 Bangladeshis
– 13 IndiansTotal number of cases: 1,633
— Health Protection Agency (@HPA_MV) May 30, 2020
މިއާއެކު ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ އަދަދު ވަނީ 1633 އަށް އަރައިފައިވެ އެވެ. އޭގެ ތެރޭގައި ގިނައީ ބިދޭސީން ކަމަށްވާއިރު، އެންމެ ގިނައިން ޕޮޒިޓިވްވެފައި ވަނީ ބަންގްލަދޭޝްގެ ރައްޔިތުންނެވެ. އެގޮތުން މިހާތަނަށް ބަންގްލަދޭޝްގެ 863 މީހަކު ވަނީ ޕޮޒިޓިވްވެފަ އެވެ.
ކޮވިޑް-19 އާއި ގުޅިގެން ރާއްޖޭގެ އެކި ހިސާބުތަކުގައި ޤާއިމްކޮށްފައިވާ ކަރަންޓީނު ފެސިލިޓީތަކުގައި 1580 މީހުން ކަރަންޓީނުކޮށްފައިވާއިރު، އައިސޮލޭޝަން ފެސިލިޓީތަކުގައި ތިބީ 1189 މީހުންނެވެ.
ރާއްޖެއިން ކޮވިޑް-19 ޖެހުނު މީހުންގެ ތެރެއިން މިހާތަނަށް 242 މީހަކު ބަލިން ރަނގަޅުވެފައިވާއިރު، އެ ބަލީގައި 05 މީހަކު ވަނީ މަރުވެފައެވެ.
