ބަންގްލަދޭޝުން ރާއްޖެއަށް ހަދިޔާކުރި 9 ޓަނުގެ އެހީގެ ތަކެއްޗާއެކު އެޤައުމުގެ އަސްކަރީ މަތިންދާބޯޓެއް މިއަދު ރާއްޖެ އަތުވެއްޖެ އެވެ.
ފޮރިން މިނިސްޓަރ ޢަބްދުﷲ ޝާހިދު މިއަދު ކުރެއްވި ޓްވީޓެއްގައި ވިދާޅުވެފައި ވަނީ ބަންގްލަދޭޝުން އެހީގެ ގޮތުގައި ރާއްޖެއަށް ފޮނުވި 9 ޓަނަށްވުރެ ގިނަ ކާބޯތަކެއްޗާއި، ޞިއްޙީ އާލާތްތަކާއި ބޭސްތަކާއެކު އެޤައުމުގެ އަސްކަރީ ފްލައިޓެއް މިއަދު ރާއްޖެ އައިސްފައިވާ ކަމަށެވެ.
Welcome the 2nd #Bangladesh Air Force flight with over 9 tons of food, medical equipment and medicine as aid to the #Maldives. We thank the govt. & the people of Bangladesh for their kindness and generosity. Thank you PM Sheikh Hasina, FM @AKAbdulMomen and Bangladesh Air Force. pic.twitter.com/B30EbZpugR
— Abdulla Shahid (@abdulla_shahid) May 16, 2020
އަދި ބަންގްލަދޭޝުން ރާއްޖެއަށް ފޯރުކޮށްދިން އެހީތެރިކަމަށްޓަކައި ފޮރިން މިނިސްޓަރ ވަނީ އެޤައުމުގެ ބޮޑުވަޒީރު، ޝެއިޚް ހަސީނާ އަށާއި ޚާރިޖީ ވަޒީރު އޭކޭ އަބްދުލް މޫމިންގެ އިތުރުން އެޤައުމުގެ އަސްކަރިއްޔާއަށް ޝުކުރު ދަންނަވައިފަ އެވެ.
މީގެ ކުރިންވެސް ބަންގްލަދޭޝުން ވަނީ އެޤައުމުގެ އަސްކަރީ މަނަވަރެއްގައި ރާއްޖެއަށް 100 ޓަނުގެ ހިލޭ އެހީ ފޯރުކޮށްދީފަ އެވެ. އަދި ކޮވިޑް-19 އާއި ދެކޮޅަށް ކުރާ މަސައްކަތުގައި އެހީތެރިވުމަށް އެ ޤައުމުގެ 10 މެންބަރުންގެ މެޑިކަލް ޓީމެއްވެސް ވަނީ ރާއްޖެ އައިސްފަ އެވެ.
