އެގޮތުން އެތިކްސް ކޮމިޓީ އަށް ހަ މެންބަރުންނާއި ޤާނޫނީ ތަޢުލީމު ކޮމިޓީއަށް ދެ މެންބަރުންގެ އިތުރުން ލޯ ރިފޯމް އެންޑް ރިސަރޗް ކޮމިޓީ އަށް ތިން މެންބަރުން ހޯދަން ބޭނުންވާ ކަމަށް ބާ ކައުންސިލުން ބުނެއެވެ.

މި މަޤާމަށް ކުރިމަތިލާ މީހުންގެ ޝަރުތުތަކުގެ ތެރޭގައި ޤާނޫނީ ވަކީލުކަމުގެ ހުއްދަ އޮތް މީހަކުކަމުގައިވުމާއެކު ޤާނޫނީ ދާއިރާގައި މަދުވެގެން ފަސް އަހަރު ދުވަހުގެ ތަޖުރިބާ ލިބިފައިވުން ހިމެނެއެވެ. މީގެ އިތުރުން ޤާނޫނީ ދާއިރާގައި ކޮށްފައިވާ މަސައްކަތުގެ ތެރޭގައި އެމީހެއްގެ ނަޒާޙާތްތެރިކަމާމެދު ސުވާލު އުފެދޭ ފަދަ މައްސަލައެއް ޝަރުޢީ ކޯޓަކަށް ނުވަތަ ބާ ކައުންސިލަށް ސާބިތުވެފައިވާ މީހެއް ކަމުގައި ނުވުންވެސް ޝަރުތުތަކުގެ ތެރޭގައި ހިމެނެއެވެ.

މި ކޮމިޓީތަކުގެ މަސްއޫލިއްޔަތުތަކަކީ ދިވެހިރާއްޖޭގެ ޤާނޫނީ ފަންނުގެ ޤާނޫނުގައި ބަޔާންކުރާ މަސްއޫލިއްޔަތުތަކުގެ ތެރެއިން އެ ކޮމިޓީއަކާ ގުޅޭ ދާއިރާއަކުން ބާ ކައުންސިލުގެ އެގްޒެކެޓިވް ކޮމިޓީއަށް ލަފާދިނުމާއި، އެގްޒެކެޓިވް ކޮމިޓީން ކަނޑައަޅާ ޒިންމާތައް އަދާކުރުމެވެ.

މާގާމަށް ކުރިމަތިލުމުގެ ސުންގަޑިއަކީ 21 މެއި 2020 ވާ ބުރާސްފަތި ދުވަހުގެ 14:00 އެވެ.