ސްޕީޑް ބޯޓެއްގައި އައްޑޫސިޓީއަށް އައި ބަޔަކު އެސިޓީއަށް ނޭރުވިއެވެ. މިއަދު ހެނދުނު 6 ޖެހީއްސުރެން ފެށިގެން މިވަގުތާއި ޖެހެންދެންވެސް އައްޑޫސިޓީ ހިތަދޫއަށް ލޯންޗެއްގައި އައި މިމީހުން ރަށަށް ނޭރުވުމުން ލޯންޗް ހިތަދޫ ބަނދަރާއި ދިމާލަށް ބޭރުގައި މަޑުކޮށްގެން އެބައޮތެވެ.
މިއީ ރީތިރަށް ރިސޯޓުން އެންމެ ފަހު ފަތުރުވެރިޔާ ފުރިފަހުން 14 ދުވަހުގެ ކަރަންޓީނަކަށްފަހު ފުރި އެރިސޯޓުގެ މުވައްޒަފުންތަކެއް ކަމަށް މަޢުލޫމާތު ލިބެއެވެ.
މިލޯންޗް މިއަދު ހިތަދޫ ބަނދަރާ ކައިރި ކުރުމުން ފުލުހުން ވަނީ އޭގައި ތިބި މީހުން ރަށަށް ފޭބުން ހުއްޓުވާފައެވެ.
މުޅި ރާއްޖޭގެ އެއް ރަށުން އަނެއް ރަށަށް އެރުން މަނާ ކުރެވިފައިވާ މި ދަނޑިވަޅު މިފަދަ އެއްވެސް އުޅަނދަކުން އަންނަ ބަޔަކަށް ރަށަށް ނޭރޭނެ ކަމަށް އައްޑޫސިޓި ކައުންސިލުން ވަނީ އަންގާފައެވެ.
މިލޯންޗް ހުޅުދޫމީދޫއަށް ވެސް ކައިރި ކުރި ކަމަށް ވެއެވެ. އެހެންނަމަވެސް އެދެރަށުންވެސް އެކަމުގެ ހުއްދަ ނުލިބުމުން ވަނީ އަނބުރާ ހިތަދޫ ބަނދަރަށް އައިސްފައެވެ. ފުލުހުން ގެންދަވަނީ ލޯންޗްގައި ތިބި މީހުންނާއި މިކަމާ ގުޅޭ ގޮތުން ވާހަކަ ދައްކާ ކެއިން ބުއިމާއި އެނޫންވެސް ބޭނުންވާ ކަންކަން ފޯރުކޮށްދެމުންނެވެ.
ކޮވިޑް 19 އާއި ގުޅިގެން އައްޑޫސިޓީގައި އެކުލަވާ ލެވިފައިވާ ގަވާޢިދު ތަންދޭ ގޮތުން މި ގޮތަށް ރަށަށް އަންނަ ހުރިހާ އެންމެން ވެސް ގެންދެވޭނީ 14 ދުވަހަށް އައްޑޫސިޓީގައި ޤާއިމް ކުރެވިފައިވާ ކަރަންޓީން ފެސިލިޓީ ތަކަށެވެ.
މިކަމާއި ގުޅޭގޮތުން އައްޑޫސިޓިގެ މޭޔަރ ޢަބްދުﷲ ސާދިޤު ވިދާޅުވީ ނަގަން ޖެހޭ ހުއްދަ ނުނަގާ އައުމުން މި ފަދަ ގޮތެއް އެ ލޯންޗަށް ދިމާވެފައިވާ ކަމަށާއި ހުއްދަ ހިފައިގެން އައުމުން އައްޑޫސިޓީއަށް ކްލިއަރެންސް ހަމަޖައްސައިދެވޭނެ ކަމަށެވެ.
Addu ah zarooree baynumakah dhathuru kurahvaa faraahthakun HPA in huhdha libigen dahathuru kurahvaa. Miadhu huhdha nuhoadhai Addu ai launch ah huhdha hoadhan angaafa vaanee. Huhdha libunu haa avahakah Addu ah clearance libayne. Zarooree baynumakah noonee dhathuru nukurahvaa
— Abdulla Sodiq(Sobe') (@SobeAbdulla) April 18, 2020
