އައްޑޫސިޓީ މަރަދޫ ލިންކްސޭލް ފިހާރަ ފަޅާލައި ގިނަ ޢަދަދެއްގެ ތަކެތި ވަގަށް ނަގައިފިއެވެ.
ފުލުހުންގެ މީޑިއާ އޮފިޝަލް ވިދާޅުވީ ލިންކްސޭލް ފިހާރަ ފަޅާލައި ވައްކަން ކޮށްފައިވާ މައްސަލައެއް އޭޕްރީލް 15 ވަނަ ދުވަހު ފުލުހުންނަށް ހުށަހަޅާފައިވާކަމަށާއި މި މައްސަލައާއި ގުޅިގެން މިހާތަނަށް އަދި އެއްވެސް މީހަކު ހައްޔަރު ކޮށްފައި ނުވާ ކަމަށެވެ.
އެފިހާރައިން ވަގަށް ނެގި ކަމަށް ބެލެވޭ ބައެއްތަކެތި އައްޑޫސިޓީ ގަން ޕޮލިސް އިން ކުރިއަށް ގެންދެވި އޮޕަރޭޝަނެއްގައި ވަނީ ހޯދާފައެވެ. އެރަށު ވަލުތެރޭން ހޯދި ތަކެތީގެ ތެރޭގައި
29 ޖީންސް
29 އަތްދިގު ގަމީސް
19 އަތްދިގު ޓީޝާޓް
3 އަތްކުރު ޓީޝާޓް އަދި
1 ޝޯޓް ހިމެނެއެވެ.
މިމައްސަލަ ފުލުހުން ގެންދަވަނީ އިތުރަށް ތަޙުޤީޤު ކުރަމުންނެވެ.
