މިއަދުގެ ޢަސްރު ނަމާދަށްފަހު ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙު ޤައުމާއި މުޚާތަބް ކުރައްވާނެ ކަމަށް ރައީސް އޮފީހުން ހާމަކޮށްފިއެވެ.
ރައީސް އޮފީހުގެ ތަރުޖަމާނު އިބްރާހިމް ހޫދު ކުރެއްވި ޓްވީޓެއްގައި ވިދާޅުވީ، މިއަދު ރައީސް ސޯލިހް ޤައުމާއި މުޚާތަބް ކުރައްވާނެ ކަމަށެވެ.
ރައީސުލްޖުމްޙޫރިއްޔާ @ibusolih އަޞްރު ނަމާދު ވަގުތަށްފަހު ޤައުމާ މުޙާތަބް ކުރައްވާނެ.
— Ibrahim Hood (@MvSpokesperson) April 15, 2020
މިއަދު ރައީސް ޤައުމާއި މުޚާތަބް ކުރައްވަން ނިންމެވިއިރު މާލެ ސިޓީ ސަރަޙައްދުން ވަނީ ފުރަތަމަ ފަހަރަށް ކޮވިޑް 19 އަށް މީހަކު ޕޮޒިޓިވް ވެފައެވެ.
މާލެއިން މީހަކު މިބައްޔަށް ޕޮޒިޓިވް ވުމާގުޅިގެން ސަރުކާރުން ގިނަ ފިޔަވަޅު ތަކެއް ވަނީ އަޅުއްވަން ފައްޓަވާފައެވެ. އެގޮތުން މާލެސިޓީގެ މާލެ، ވިލިމާލެ އަދި ހުޅުމާލެ އެއްކޮށް ލޮކްޑައުން ކުރެވި މިއަދު 3.30 އިން ފެށިގެން މަގުމައްޗަށް ނިކުތުން ވެސް ވަނީ މަނާ ކޮށްފައެވެ.
