މި މަސް ނިމުމުގެ ކުރިން ދިވެހިރާއްޖޭގައި މިނިމަމް ވޭޖް އިއުލާނުކުރައްވާނެކަމަށް އިކޮނޮމިކް މިނިސްޓަރު ފައްޔާޒް އިސްމާއިލް ވިދާޅުވެއްޖެއެވެ.
އިކޮނޮމިކް މިނިސްޓަރ މިހެން ވިދާޅުވީ ދެންމެ ކުރެއްވި ޓުވީޓެއްގައި އެވެ. މިނިސްޓަރ ފައްޔާޒު ކުރެއްވި ޓުވީޓުގައި ވިދާޅުވީ ދިވެހިރާއްޖޭގައި ފުރަތަމަ ފަހަރަށް މިނިމަމް ވޭޖް (އެންމެ ކުޑަކޮށް ދެވޭނެ) އުޖޫރަ ،ފުރަތަމަ އިއުލާން ކުރައްވާނީ ވަޒީފާ އާއި ބެހޭ ޤާނޫނަށް ގެންނަ އިސްލާހުގެ ދަށުން ނޫންކަމަށެވެ. އަދި އުޖޫރަ ކަނޑައެޅިގެންދާނީ ރައްޔިތުންގެ މަޖިލީހާއި މަޝްވަރާކުރުމަށްފަހުގައި ކަމަށްވެސް މިނިސްޓަރ ފާހަގަ ކުރެއްވިއެވެ.
Insha Allah we will declare the Minimum Wage for the first time in Maldives before end of the month after consultation on the methodology and the amount with the Parliament. The declaration of the Minimum wage for the first time is not related to amendment to the Employment Act
— Fayyaz Ismail (@faya_i) February 11, 2020
މިނިމަމް ވޭޖް ކަނޑައެޅުމަށް ރާއްޖޭގެ އެތަކެއް ރައްޔިތުންނެއް ގޮވާލަމުން އަންނައިރު މިއީ ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙުގެ ރިޔާސީ ވައުދުތަކުގެ ތެރޭގައި ހިމެނޭ އެއް ވައުދެވެ.
ރިޔާސީ ކެމްޕެއިން ކުރަށްވަމުން ގެންދެވި އިރު ރައްޔިތުން އެންމެ ބޮޑަށް އެދުނު އެއް ކަމަކީވެސް އެންމެ ކުޑަ އުޖޫރައެއް ސަރުކާރުން ކަނޑައަޅައި ދިނުމަށެވެ. ރާއްޖޭގައި އެންމެ ގިނައިން މީހުން ވަޒީފާ އަދާކުރާ އެއް ދާއިރާ އަކީ ފަތުރުވެރިކަމުގެ ދާއިރާ އެވެ.
