ބާ ކައުންސިލުގެ ދާއިމީ ސަބް ކޮމިޓީތަކުގެ މެންބަރުކަމަށް ކުރިމަތިލުމުގެ މުއްދަތު އިތުރުކޮށްފި އެވެ.
ދިވެހިރާއްޖޭގެ ބާ ކައުންސިލުން މިއަދު ކުރި އިއުލާނެއްގައި ބުނެފައި ވަނީ އެ ކައުންސިލުގެ ދާއިމީ ސަބް ކޮމިޓީތައް އެކުލަވާލުމަށްޓަކައި، އެކޮމިޓީތަކުގެ މެންބަރުކަމަށް އެދި ހުށަހެޅުމަށް ކުރިން ކުރި އިޢުލާނުގައިވާ މުއްދަތު ހަމަވެފައިވާތީ، އެ ކޮމިޓީތަކަށް ކުރިމަތިލުމުގެ މުއްދަތު އިތުރުކޮށް، އެ ފުރުޞަތު އެކަމަށް ޝައުޤުވެރިކަން ހުރި ފަރާތްތަކަށް އަލުން ހުޅުވާލާފައިވާ ކަމަށެވެ.
ޤާނޫނީ ފަންނުގެ ޤާނޫނުގައި ބަޔާންކުރާ ދާއިމީ ސަބް ކޮމިޓީތަކަށް، މެންބަރުން ނެގުމަށް ހަމަޖެހިފައިވަނީ ލައިސަންސިންގ ކޮމިޓީ، އެތިކްސް ކޮމިޓީ، އިސްތިއުނާފު ކޮމިޓީ، ޤާނޫނީ ތަޢުލީމު ކޮމިޓީ އަދި ލޯ ރިފޯރމް އެންޑް ރިސަރޗް ކޮމިޓީ އަށެވެ. މިއިން ކޮންމެ ކޮމިޓީއަކަށް ނެގުމަށް ހަމަޖެހިފައިވަނީ ތިން މެންބަރުންނެވެ.
