މިނިސްޓަރ އޮފް ޖެންޑަރ، ފެމިލީ އެންޑް ސޯޝަލް ސަރވިސަސްގެ މަޤާމުގައި ހުންނެވި ޝިދާތާ ޝަރީފް އެމަޤާމުން މިއަދު އިސްތިއުފާ ދެއްވާފައިވާއިރު އެކަމަނާއަކީ ސިޔާސީ ޙަރަކާތުގަ އަދާލަތު ޕާޓީގެ އެއް މުގޫ ކަމަށް ހޯމް މިނިސްޓަރ އަދި އަދާލަތު ޕާޓީގެ ރައީސް އައްޝައިޙް އިމްރާން އަބްދުﷲ ވިދާޅުވެއްޖެ އެވެ.
ޝިދާތާގެ އިސްތިއުފާގެ ސިޓީ ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު ގަބޫލު ކުރައްވާ، އެ މަގާމުން އޭނާ ވަކި ކުރައްވާފައިވާއިރު ޝެއިހް އިމްރާން މިއަދު ކުރެއްވި ޓުވީޓެއްގައި ވިދާޅުވީ އަދާލަތު ޕާޠީގެ ޚާރިޖީ ގުޅުންތަކާއި ބެހޭ ކޮމިޓީގެ މުޤައްރިރު ޝީދާތާ ޝަރީފަކީ ރާއްޖޭގެ ސިޔާސީ ތާރީޚުގައި އުފެދުނު ހިތްވަރުގަދަ ކަނބަލެއް ކަމަށެވެ.
“އަދާލަތު ޕާޓީ ޚުދު އަޅުގަނޑަށް އެކަމަނާ ކޮށްދެއްވި އަގުހުރި ޚިދުމަތްތަކާއި ވެވަޑައިގެންފައިވާ ގުރުބާނީ މިންކުރެވޭވަރަށް ވުރެ ބޮޑު. އަދި އެއީ ގެއްލިގެން ދާނެ ކަމެއްވެސް ނޫން“ މިނިސްޓަރ ގެ ޓުވީޓުގައި ވިދާޅުވިއެވެ.
Adhaalath Party ge khaariji gulhunthakaabehey committee ge muqarrir Shidhatha Shareef akee raajjeyge siyaasi thaareekhga ufedhunu hivarugadha kanbaleh. AP aa khudhu alhugandah ekamana kohdhevvi aguhuri khidhumayithakaa vevadaigenfaivaa qurbani minkureveyvarahvure bodu.
— Imran Abdulla (@ShimranAb) February 6, 2020
ޖެންޑަރ މިނިސްޓަރު ކަމުން ޝިދާތާ އިސްތިއުފާ ދެއްވިއިރު އެ މަގާމަށް ރައީސް އައްޔަން ކުރައްވަން ނިންމާފައި ވަނީ އައިޝަތު މުހައްމަދު ދީދީ އެވެ.
