ރައްޔިތުންގެ މަޖިލީހުގެ ކާށިދޫ ދާއިރާގެ މެންބަރު އަދި ދިވެހިރައްޔިތުންގެ ޕާޓީ (ޑީއާރުޕީ)ގެ ލީޑަރު، ޢަބްދުﷲ ޖާބިރު، ޢުމްރާގެ މަތިވެރި އަޅުކަން ކުރެއްވުމަށް ސަޢުދި ޢަރަބިއާ އަށް ފުރާވަޑައިގެންފި އެވެ.
ޖާބިރު ޢުމްރާއަށް ފުރާވަޑައިގެންނެވިކަން ހާމަވެފައިވަނީ އޭނާގެ އަނބިކަނބަލުން އަދި ކުރީގެ ބަންޑާރަ ނައިބު، ދިޔާނާ ސަޢީދު މިއަދު ކުރެއްވި ޓްވީޓަކުންނެވެ.
I am envious @chairmanjabir.
May Allah accept your umrah, accept your duas, strengthen your faith and bless you with peace and happiness, Aameen, Aameen, Aameen.
— Dhiyana ??? (@dhiyanasaid) January 27, 2020
އެ ޓްވީޓްގައި ދިޔާނާ ވިދާޅުވެފައި ވަނީ ޖާބިރުގެ ޢުމްރާ އާއި ދުޢާތައް މާތްﷲ ޤަބޫލުކުރައްވައި، ޖާބިރުގެ އީމާންކަން އިތުރަށް ވަރުގަދަކުރައްވައި، ހަމަޖެހުމާއި އުފާވެރިކަން މިންވަރުކުރެއްވުމަށް އެދިވަޑައިގަންނަވާ ކަމަށެވެ.
ޖާބިރު ޢުމްރާއަށް ފުރާވަޑައިގެންނެވީ ކޮން އިރަކުކަމެއް ދިޔާނާ ވިދާޅުވެފައެއް ނުވެއެވެ.
ޖާބިރަކީ މި ހިނގާ ރައްޔިތުންގެ މަޖިލީހުގެ ދައުރުގެ އެންމެ މަޤްބޫލް އެއް މެންބަރެވެ. އެގޮތުން ޖާބިރު ދައްކަވާ ވާހަކަތަކަކީ އަބަދުވެސް ގިނަ ބައެއްގެ ސަމާލުކަން ލިބޭ ވާހަކަތަކެކެވެ.
