“ސުވެނިއާ ސަފާރީ” ގެ ނަމުގައި ދިވެހި ފަންނުވެރި އަންހެނުންގެ މަސައްކަތްތައް ވިއްކުމަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އާއި ވިމެން އެންޓްރަޕްރެނިއާސް އެސޯސިއޭޝަން އޮފް މޯލްޑިވްސް އާ ގުޅިގެން ވެލާނާ އިންޓަނޭޝަނަލް އެއާޕޯޓުގައި މައުރަޒެއް ބާއްވައިފިއެވެ.
އިއްޔެ ބޭއްވި މި މައުރަޒަކީ އެއް ޕްލެޓްފޯމަކުން އޯތެންތެޓިކް ދިވެހި އުފެއްދުންތައް ދައްކާލުމަށް ދިވެހި އަންހެނުންނަށް ހާއްސަކޮށްގެން ބޭއްވި މައުރަޒެއް ކަމަށް އެމްއޭއެލްސީން ބުނެއެވެ.
Today an exhibition named "Souvenir Safari" was held @VelanaAirport by Women Entrepreneurs Association of Maldives- WEAM in collaboration with @MACLmedia
The purpose of this exhibition is to provide Maldivian women a platform to display their authentic Maldivian products. pic.twitter.com/NgtAv0d5y9— MACL (@MACLmedia) January 9, 2020
އެއާޕޯޓު ވޯޓާ ފްރަންޓް ތިރީގައި އޮތް މި މައުރަޒުގެ އުފެއްދުންތައް ގަންނަން ބޭނުން މީހުންނަށް އެއްޗެހި ގަތުމުގެ ފުރުސަތުވެސް އޮތެވެ. މި މައުރަޒުގައި ގިނަ އަދަދެއްގެ އަންހެނުން ބައިވެރިވެ އެމީހުންގެ އުފެއްދުންތައް ޑިސްޕްލޭ ކޮށްފައިވެއެވެ.
ކުރިއަށް އޮތްތަނުގައިވެސް މިފަދަ މައުރަޒުތައް އެއާޕޯޓާއި ވިމެން އެންޓްރަޕްރެނިއާސް އެސޯސިއޭޝަން އޮފް މޯލްޑިވްސް ގުޅިގެން ބޭއްވުމަށް ވަނީ ނިންމައިފައެވެ.