ވެލާނާ އިންޓަނޭޝަނަލް އެއާޕޯޓް ވީއައިއޭ އަށް ޖައްސާ ފުރި ފްލައިޓްތަކުގެ އަދަދު 811 އަށް އަރައި، އާދިއްތަ ދުވަހު އާ ރެކޯޑެއް ޤާއިމް ކޮށްފިއެވެ.
އެއާޕޯޓު ހިންގާ އެމްއޭސީއެލް އިން ވިދާޅުވީ ވެލާނާ އިންޓަނޭޝަނަލް އެއާޕޯޓުގައި މިދިޔަ އާދިއްތަ ދުވަހު 252 ރަންވޭ މޫމަންޓްސް ހިނގާފައިވާއިރު ސީޕްލޭން މޫމަންޓްސްގެ އަދަދު 559 އަށް އަރާކަމަށެވެ.
ވީއައިއޭ އިން އާ ރެކޯޑެއް މިހެދީ މިމަހުގެ 1 ވަނަ ދުވަހު 226 މޫވްމެންޓާއެކު ހަދާފައިވާ ރެކޯޑު މުގުރާލުމަށްފަހުގައެވެ. 2019 ވަނަ އަހަރުވެސް ވީއައި އޭ އިން ވަނީ 3 ފަހަރެއްގެ މަތިން ރަންވޭ މޫވްމަންޓް ރެކޯޑު އާކޮށްފައެވެ.
@VelanaAirport sets another aircraft movement record with a total of 811 movements.
According to MACL on 05-01-2020 there was 252 Runway movements & 559 Seaplane movements totaling to a record 811 movements.#AviatorsMaldives pic.twitter.com/QMS5TFH2jt
— AviatorsMaldives (@AviatorsMaldive) January 7, 2020
މިދުވަސް ވަރަކީ ފަތުރު ވެރިކަމުގެ ޕީކް ސީޒަނަށް ވެފައި ރާއްޖެ އައިސް ގޮސް ހަދާ ފަތުރު ވެރިން ގެ ޢަދަދު ނިސްބަތުން ވަރަށް ބޮޑު ވެފައި ވެއެވެ. މިއާއެކު ރާއްޖޭގެ ބޮޑު ޗުއްޓީވެސް މިދުވަސްކޮޅާއި ދިމާވުމުން ދިވެހިން ދަތުރު ފަތުރު ކުރާ ނިސްބަތް ވެސް އަހަރުތެރޭގެ އެހެން ދުވަސްތަކާ އަޅާބަލާއިރު ބޮޑުތަނުން އިތުރުވެފައިވާތީ އެއަރޕޯޓަށް ބާރު ބޮޑު ދުވަސްވަރަކަށް ވެފައި ފުރުމުގެ 3 ގަޑި އިރު ކުރިން އެއަރޕޯޓަށް ދިއުމަށް އެމްއޭސީއެލް އިން ވަނީ އެދިފައެވެ.
އާދިއްތަ ދުވަހަކީ، އެންމެ ގިނަ އަދަދަކަށް އެއާޕޯޓުގެ މަސައްކަތްތައް ހިނގާ ދުވަހެވެ. އެގޮތުން ހަފްތާގެ އެހެން ދުވަސްތަކާ އަޅާ ބަލާއިރު ފްލައިޓް ޖައްސައި، ފްލައިޓް ފުރާ ވަރު ވަރަށް ބޮޑަށް އިތުރުވެ އެވެ.
The safety of our airlines has always been our utmost priority. While thanking our staff & stakeholders we are pleased to announce that on 05-01-2020, we had a new traffic record @VelanaAirport
252 Runway movements & 559 Seaplane movements
Totalling to a record 811 movements. pic.twitter.com/9gCUF34iV2— MACL (@MACLmedia) January 6, 2020
