މާލޭގައި މިއަދު ތޫނު އެއްޗަކުން ހަމަލާދީ މީހަކު ޒަޚަމްކޮށްލައިފި އެވެ.
ފުލުހުންނާ ހަވާލާދީ “މިހާރު” ނޫހުން ރިޕޯޓްކުރާ ގޮތުގައި މާޔާ ކްލިނިކް ކައިރިން މީހަކަށް ތޫނު އެއްޗަކުން ހަމަލާދީ ޒަޚަމްކޮށްލި ކަމުގެ މަޢުލޫމާތު ލިބިފައި ވަނީ މިއަދު މެންދުރުފަހު 13:18 ހާއިރު އެވެ. ނަމަވެސް މި މައްސަލައާއި ގުޅޭ އިތުރު އެއްވެސް ތަފްސީލެއް ފުލުހުން އަދި ހާމައެއް ނުކުރެއެވެ.
ފުލުހުން ދަނީ މިހާރު މި މައްސަލަ އިތުރަށް ތަޙުޤީޤުކުރަމުންނެވެ.
މަޢުލޫމާތު ލިބޭ ގޮތުގައި މި ހާދިސާގައި އަނިޔާވެފައި ވަނީ ބިދޭސީ އަކަށެވެ.
