އަވަށްޓެރި ސްރީ ލަންކާގެ ރިޔާސީ އިންތިޚާބުގައި އެންމެ ގިނަ ވޯޓު ލިބިވަޑައިގެންނެވި އެޤައުމުގެ އިންތިޚާބީ ރައީސް، ގޮޓަބަޔާ ރާޖަޕަކްސަ އަށް ރައީސް އިބްރާހިމް މުހައްމަދު ސޯލިހު މަރުޙަބާ ދަންނަވައިފި އެވެ.
ރައީސް ސޯލިހު، ގޮޓަބަޔާއަށް މަރުޙަބާ ދަންނަވާފައި ވަނީ މިއަދު ކުރެއްވި ޓްވީޓެއްގަ އެވެ.
Warm congratulations to President-elect @GotabayaR for a resounding election victory in Sri Lanka. I look forward to working with your new administration to further the already close and fraternal ties between Maldives and Sri Lanka.
— Ibrahim Mohamed Solih (@ibusolih) November 17, 2019
އެ ޓްވީޓްގައި އެމަނިކުފާނު ވަނީ ލަންކާގެ ރިޔާސީ އިންތިޚާބު ކާމިޔާބު ކުރެއްވުމާއި ގުޅިގެން ގޮޓަބަޔާއަށް ވަރަށް ހޫނު މަރުޙަބާއެއް ދަންނަވައިފަ އެވެ. އަދި ގޮޓަބަޔާގެ ވެރިކަމުގައި ރާއްޖެއާއި ސްރީ ލަންކާ އާމެދު މިހާރުވެސް ޤާއިމްވެފައިވާ ގާތް އަދި އެކުވެރި ގުޅުން އިތުރަށް ބަދަހިވެގެންދާނެ ކަމުގައި އުއްމީދުކުރައްވާ ކަމަށްވެސް ރައީސް ސޯލިހު ވަނީ ވިދާޅުވެފަ އެވެ.
ގޮޓަބަޔާ ރާޖްޕަކްސަ އަކީ ލަންކާގެ ކުރީގެ ރައީސް ރާޖަޕަކްސަގެ ކޮއްކޯފުޅެވެ. އިންތިޚާބުގައި ގޮޓަބަޔާ އާއި އެންމެ ގާތުން ވާދަކުރައްވަވާފައިވަނީ ސްރީލަންކާގެ ކުރީގެ ރައީސް ޕްރެމަދޭސާގެ ދަރިކަލުން ސަޖިތް ޕްރެމަދޭސާއެވެ.
ގޮޓަބަޔާގެ ތަރުޖަމާނު “އޭއެފްޕީ” އަށް ބުނި ގޮތުގައި ގޮޓަބަޔާއަށް ވަނީ 53-54% ވޯޓު ލިބިފައެވެ.
