ރާއްޖޭގެ މަޝްހޫރު ވިޔަފާރިވެރިޔާ ގާސިމް އިބްރާހިމް މާލެއިން 12 މިލިއަން ރުފިޔާއަށް ގެއެއް ބައްލަވައިގެންފި އެވެ.
ރައްޔިތުންގެ މަޖިލީހުގެ މާމިގިލީ ދާއިރާގެ މެންބަރުކަންވެސް ކުރައްވަމުންގެދަވާ ގާސިމް އިބްރާހިމް ބައްލަވައިގެންފައިވަނީ ވިޔަފާރިވެރިޔާ މ.ވާދީރޯސް މުހައްމަދު އަހުމަދު ދީދީގެ ނަމުގައި ރެޖިސްޓްރީކޮށްފައިވާ މ. ވާދީބިލްޑިންގް އެވެ.
ގާސިމް ބައްލަވައިގަތް މ. ވާދީބިލްޑިންގް ގެއަކީ ޖުމްލަ 413.33 އަކަފޫޓުގެ ބިމެކެވެ. ސިވިލް ކޯޓުގެ އަމުރުގައި ވާގޮތުން މިބިން ގާސިމް ބައްލަވައިގަތީ އެ އެތަނުގައި ހުރި އިމާރާތް އަދި ނުއުފުލޭ މުދާ އާއި އެއްކޮށް 12 މިލިއަން ރުފިޔާއަށެވެ.
ވިޔަފާރިވެރިޔާ ގާސިމް އިބްރާހިމް ގެ މިލްކިއްޔާތުގައި މާލޭގައި އިތުރު ބިންތައް ހުރިއިރު ގާސިމްއަކީ ރާއްޖޭގައި ފަތުރުވެރިކަމުގެ ދާއިރާގައިވެސް ރިސޯޓްތައް ހިންގަވާ ރައްޔިތުންނަށް ދީލަތި ބޭފުޅެއްކަން ފާހަނގަ ކޮށްލެވެއެވެ.
