މޯލްޑިވިއަން ޑިމޮކްރެޓިކް ނެޓްވޯކް (އެމްޑީއެން) އިން ނެރުނު ރިޕޯޓާއި ގުޅިގެން އަދާލަތު ޕާޓީ އިން ޔޫތް މިނިސްޓަރު އަހްމަދު މަހްލޫފް އާއި ބައްދަލުކޮށްފިއެވެ.
ރާއްޖޭގެ އަމިއްލަ ޖަމްމިއްޔާ ޖަމާއަތްތަކުގެ ބެލެނެވެރި ފަރާތްކަމުގައިވާ ޔޫތް މިނިސްޓްރީ އާއި ބައްދަލުކޮށް އަދާލަތު ޕާޓީން ވަނީ އެމްޑީއެންގެ ރިޕޯޓާއި މެދު ކަންބޮޑުވާކަން ފާޅުކޮށްފައެވެ. މި ގޮތުން މި ބައްދަލުވުމުގައި އަދާލަތު ޕާޓީ އިން ވަނީ އެ ރިޕޯޓުގައި ހުރި ކަންބޮޑުވާ ކަންތައްތައް މިނިސްޓަރުގެ ސަމާލުކަމަށް ގެންނަވައި ސަރުކާރުން މި ފަދަ މައްސަލަތައް ބެލުމުގެ މުހިންމުކަން ފާހަގަކޮށްފައެވެ،
އިސްލާމް ދީނުގެ ހުކުމްތަކާއި ، ރަސޫލާ އާއި ﷲ ފުރައްސާރަކޮށް އެމްޑީއެން އިން ނެރުނު ރިޕޯޓާއި ގުޅިގެން ގިނަ އިލްމުވެރިންތަކެއް ކަންބޮޑުވުން ފާޅުކޮށްފައިވާއިރު އެ މައްސަލައިގައި އެމްޑީއެން އާއި ދެކޮޅަށް ފިޔަވަޅު އަޅައި އެ މައްސަލަ ވީ އެންމެ އަވަހަކަށް ބަލައި ދިނުމަށް ގިނަ ބަޔަކު އަންނަނީ ގޮވާލަމުންނެވެ.
