އިސްލާމް ދީނަށް ފުރައްސާރަ ކުރުމަކީ ފިޔަވަޅު އެޅޭނެ މައްސަލައެއް ކަމަށް ހޯމް މިނިސްޓަރ، ޝެއިޚް އިމްރާން އަބްދުﷲ ވިދާޅުވެއްޖެ އެވެ.
މިނިސްޓަރ މިހެން ވިދާޅުވީ މިރޭ ކުރެއްވި ޓްވީޓެއްގަ އެވެ.
Maaiyvegenvaa islaam dheenah furahsaarakoh malaamaaiy kurumakee dhivehiraajjeyge qanoonee nizaamuge therein thahuqeegukoh fiyavalhu elheyne massalaeh.
Ekan mi sarukaarun kuraane IA https://t.co/zy0KTmpzcM— Imran Abdulla (@ShimranAb) October 10, 2019
އެ ޓްވީޓްގައި މިނިސްޓަރ އިމްރާން ވިދާޅުވެފައި ވަނީ މާތްވެގެންވާ އިސްލާމް ދީނަށް ފުރައްސާރަކޮށް، މަލާމަތްކުރުމަކީ ދިވެހިރާއްޖޭގެ ޤާނޫނީ ނިޒާމުގެ ތެރެއިން ތަޙުޤީޤުކޮށް ފިޔަވަޅު އެޅޭނެ މައްސަލައެއް ކަމަށެވެ.
“އެކަން މި ސަރުކާރުން ކުރާނެ، إن شاء الله”، މިނިސްޓަރ ވިދާޅުވި އެވެ.
އިމްރާން މިމޭރުމުން ޓްވީޓް ކުރައްވާފައިވާއިރު، ދީނަށާއި ރަސޫލާއަށް ހަޖޫޖަހައި ފުރައްސާރަކޮށް ރިޕޯޓެއް ޝާޢިއުކުރި މައްސަލައިގައި މޯލްޑިވިއަން ޑީމޮކްރެސީ ނެޓްވޯކް (އެމްޑީއެން) ވަނީ މިހާރު ވަގުތީ ގޮތުން ސަސްޕެންޑްކޮށްފަ އެވެ. އެމްޑީއެންގެ ޙަރަކާތްތައް ސަސްޕެންޑްކޮށްފައި ވަނީ އެ ޖަމިއްޔާއިން ޝާއިރުކުރި ރިޕޯޓުގެ މައްސަލަ ތަޙުޤީޤުކޮށް ނިމެންދެން ކަމުގައި ފޮރިން މިނިސްޓްރީ އިން ވަނީ ބުނެފަ އެވެ.
އެމްޑީއެން ސަސްޕެންޑްކޮށްފައި ވީނަމަވެސް، ގިނަ ބަޔަކު ދަނީ މިހާރުވެސް މީސްމީޑިޔާގައި އެ ޖަމިއްޔާ މުޅިން އެއްކޮށް އުވާލުމަށް އެދި ސަރުކާރާއި ކަމާބެހޭ ފަރާތްތައް ގޮވާލަމުންނެވެ.
