ލިޔުނީ: ނޫރާން ތަވީލް ޢަބްދުލް މުޙްސިން / ހުޅުދޫ ސްކޫލް
ހުޅުދޫސްކޫލްގެ އިންޓަރ ހައުސް ފުޓްބޯޅަ މުބާރާތް މިއަދު ހަވީރު ، އެ ސްކޫލްގެ ފުޓްބޯޅަ ދަޑުގައި ފަށައިފިއެވެ.
މިސްކޫލްގެ 3 ހައުސްގެ މެދުގައި ކުރިއަށް ދާ މި މުބާރާތް 4 ދުވަހަށް ދެމިގެންދާނެ ކަމަށް ސްކޫލްގެ ލީޑިންގ ޓީޗަރ ތަވީލް ޢަބްދުލް މުހްސިން ވިދާޅުވިއެވެ.
ސްކޫލްގެ ހުރިހާ ފިރިހެން ދަރިވަރުންނަށް އަމާޒުކުރެވިގެން ކުރިއަށް ގެންދާ މި މުބާރާތުގައި 7 އަހަރުން ދަށް ، 9 އަހަރުންދަށް އަދި 12 އަހަރުން ދަށުގެ 9 ޓީމް ވާދަ ކުރާނެއެވެ.
މި މުބާރާތުގެ މައިގަޑު މަޤުސަދަކީ ދަރިވަރުންގެ މެދުގައި އެކުވެރިކަން އާލާކޮށް ފުޓްބޯޅައިގެ ހުނަރު އިތުރުކުރުން ކަމަށް ސްކޫލްގެ މެނޭޖްމަންޓުން ހާމަ ކުރަށްވައެވެ.
މި މުބާރާތަކީ ، މި ސްކޫލްގައި ކޮންމެ އަހަރަކުވެސް ބާއްވަމުން އަންނަ ވަރަށް ފޯރިގަދަ މުބާރާތެކަން ފާހަގަ ކޮށްލެވެއެވެ.
