“ރޯދައިގެ ބަދިގެ” މި ސެގްމެންޓްގައި ކޮންމެ ދުވަހަކު ގެނެސްދޭ ރެސިޕީ އަށް މިއަދު ޙާއްސަކޮށްލަނީ ގަބުޅި ފޮޅި(ކޮކޮނަޓް ޕޭންކޭކް) ތައްޔާރު ކުރާނެ ގޮތް.
ބޭނުންވާތަކެތި:
1 1/2 ގަބުޅި ހުނި
1/2 ޖޯޑު ގޮދަންފުށް
1/2 ޖޯޑު ހަކުރު
1 ކުކުޅު ބިސް
1 ސަމްސާ ބޭކިންގ ޕައުޑަރ
1 މޭޒުމަތީ ސަމުސާ ފިނިފެން(ރޯސްވޯޓަރ) ނުވަތަ ފިނިފެން އެސްންސް
ހައްދާވާނެގޮތް:
ގަބުޅި ހުނި މިކްސްޗަރުން ހިމުންކޮށްލާށެވެ. ހުނިކޮޅު ތައްޓަކަށް އަޅާފައި އޭގެ ތެރެއަށް ހަކުރު އެޅުމަށްފަހު ރަނގަޅަށް މިކްސްކޮށްލާށެވެ. ދެން ބިސް، ގޮދަންފުށް، ބޭކިންގ ޕައުޑަރ އަދި ކުޑަފެންފޮދެއް އަޅާފައި ރަނގަޅަށް އެއްކޮށްލާށެވެ. ދެން ފިނިފެން ނުވަތަ ރޯސް އެސެންސް އެޅުމަށްފަހު ރަނގަޅަށް އެއްކޮށްލާށެވެ. ފޮޅި ފިހޭވަރަށް ވުރެން ހަރު ނަމަ ކުޑަފެންފޮދެއް އެޅުމަށްފަހު ފޮޅި އެޅޭވަރަށް ދިޔާކޮށް ލާށެވެ. ދެން ތަވާގައި ކުޑަ ތެޔޮފޮދެއް ހާކާލާފައި ފޮޅި އަޅާފައި ދެފުށް ރޯފިލަންދެން ފިހެލާށެވެ.
