“ރޯދައިގެ ބަދިގެ” މި ސެގްމެންޓްގައި ކޮންމެ ދުވަހަކު ގެނެސްދޭ ރެސިޕީ އަށް މިއަދު ޙާއްސަކޮށްލަނީ ޗީޒް ކަޓްލަސް ތައްޔާރު ކުރާނެ ގޮތް.
ބޭނުންވާތަކެތި:
6 އަލުވި މޮޑެލެވޭވަރަށް ފެނުކައްކާފައި
1/2 ޖޯޑް ކޮރިއަންޑާ ފަތް (ހިމުންކޮށްކޮށާފައި)
300ގ ޗީޒް ގާނާފައި
1 ގިތެޔޮ މިރުސް (ކުދިކޮށް ކޮށާފައި)
3 ސައިސަމްސާފުށް
1 ބޮޑުފިޔާ (ކުދިކޮށްކޮށާފައި)
ރަހަލާވަރަށް ލޮނާއި އަސޭމިރުސް
1/2 ޖޯޑު ފެން
1 މަސްދަޅު
1 ޖޯޑު ފާރޮށިކުނޑި
1 ސަމްސާ ގަރަމްމަސާލާ
ތައްޔާރު ކުރާނެގޮތް:
ތަވާ އުނދުންމައްޗަށް އުދާލައިފައި ތެޔޮއަޅާފައި ހޫނުވީމާ ފިޔާ، ގަރަމްމަސާލާ އަދި މިރުސް އެއްކޮށްލުމަށްފަހު މޯޅިވީމާ ނަގާ ހިހޫ ކޮށްލާށެވެ. ދެން އަލުވި، ކޮރިއަނޑާފަތް ، މަސް، ޗީޒް އަދި ލޮނާއި އަސޭމިރުސް އެޅުމަށްފަހު ރަނގަޅަށް މޮޑެލުމަށްފަހު ގުޅަހައްދަވާށެވެ. ދެންފުށްކޮޅު ބައިޖޯޑު ފެނުގައި ގިރުމަށްފަހު ގުޅަތައް ގިރާފައި ހުރި ފުށުގެތެރެއަށް ލުމަށްފަހު ފާރޮށިކުނޑި ހޭކުމަށްފަހު ގޯލްޑެން ބްރައުން ކުލައަރަންދެން ތެލުލާށެވެ.
