އަންހެނުންގެ ދުވަސް ފާހަގަކުރުމުގެ ގޮތުން އައްޑޫ ސިޓީ އަންހެނުންގެ ތަރައްގީއަށް މަސައްކަތްކުރާ ކޮމެޓީ (ޑަބްލިޔުޑީސީ) އިން ‘ދިޔެގެ ހަވި’ ނަމުގައި ބާއްވަން ނިންމާފައިވާ ފެސްޓިވަލް ފަސްކޮށްފިއެވެ.
މި މަހުގެ 08 ވަނަ ދުވަހު މަރަދޫ ގައި އަދި 9 ވަނަ ދުވަހު މީދޫގައި ބާއްވަން ނިންމި ފެސްޓިވަލް ފަސްކޮށްފައިވަނީ މި ދުވަހު ރާއްޖޭގެ ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް އާއި ކުރީގެ ރައީސް މުހައްމަދު ނަޝީދު އައްޑޫ ސިޓީއަށް ވަޑައިގަތުމަށް ހަމަޖެހިފައިވާތީކަމަށް އެ ކޮމަޓީއިން ވަނީ ބުނެފައެވެ. ކޮމަޓީއިން ‘އޭއޯ ނިއުސް’އަށް މައުލޫމާތު ދެމުން ބުނީ މި އެވެންޓް ދެން ބާއްވާނެ ތާރީހެއް ވަރަށް އަވަހަށް އިއުލާން ކުރާނެ ކަމަށެވެ. އަދި މިހާރު ސްޓޯލްތައް ނަގާފައިވާ ފަރާތްތަކަށް އަލުން ހުޅުވާލާ ފުރުސަތުގައި ނަން ނޯޓު ނުކުރިނަމަވެސް މި ފެސްޓިވަލްގައި ބައިވެރިވުމުގެ ފުރުސަތު ލިބިގެންދާނެކަމަށެވެ.
ހުޅުމީދޫ އަދި މަރަދޫގައި ކުރިއަށް ގެންދިއުމަށް ހަމަޖެހިފައިވާ މި ހަރަކާތް ކުރިއަށް ގެންދިއުމަށް ހަމަޖެހިފައވަނީ، ކަނބަލުންގެ މަސައްކަތް ދައްކާލުމުގެ ގޮތުން އެކި އެކި އެކި ސްޓޯލްތަކަށް ބަހާލައިގެން ނެވެ.މި ފެސްޓިވަލްގައި މޭކަޕްކުރުމާއި، ހީނާފަތް އެޅުމާއި، ޒުންބާ ހަރަކާތްތަކާއި، ސިއްހަތާއި ގުޅޭ އެކި އެކި ކަންކަމާއި ބެހޭ ގޮތުން މައުލޫމާތު ދިނުމުގެ އިތުރުން ގަސް އިންދުމާއި ގުޅުން ހުރި މައުލޫމާތު ދިނުމާއި ތަކެތި ވިއްކުން ފަދަ ކަންކަން ކުރިއަށް ގެންދިއުމަށްވަނީ ނިންމާފައެވެ.އަދި ސްކޫލްތަކުގެ ޕީޓީއޭތަކަށް އެހީތެރިވުމުގެ ގޮތުން ސްކޫލްތަކަށް ހާއްސަކޮށް ސްޓޯލްތައް ވެސް ދޫކުރުމަށް ވަނީ ނިންމާފައެވެ ފެސްޓިވަލްގެ ސްޓޯލެއްގެ އަގަކީ 200 ރުފިޔާއެވެ.
މި ހަރަކާތުގެ އިތުރު މައުލޫމާތު ހޯދުމަށް 7942014، 9189287 މި ނަމްބަރަށް ގުޅުމަށް ޑަބްލިޔުޑީސީން ވަނީ އެދިފައެވެ.
