ރާއްޖޭގެ ސިވިލް ކޯޓުގެ ގާޒީ އަބްދުﷲ ޖަމީލް އިސްތިއުފާ ދެއްވައިފި އެވެ. ގާޒީ އަބްދުﷲ ޖަމީލް އިސްތިއުފާ ދެއްވިއިރު ހުންނެވީ ސިވިލް ކޯޓުގެ ޑިސްޕިއުޓް ރިސޮލިއުޝަން ސެކްޝަނުގައިއެވެ. އެ މަގާމުން ގާޒީ އަބްދުﷲ ޖަމީލް އިސްތިއުފާ ދެއްވި ސަބަބެއް ހާމަކުރަށްވާފައެއް ނުވެއެވެ.
ގާޒީ އަބްދުﷲ ޖަމީލް އިސްތިއުފާ ދެއްވާފައި ވާއިރު މިހާރު ޖުޑިޝަލް އެޑްމިނިސްޓްރޭޝަން ޑިޕާޓްމަންޓް (ޑީޖޭއޭ) އިން ވަނީ ރާއްޖޭގެ ޝަރުޢީ ނިޒާމް އިސްލާހުކުރުމަށް ބޭރުގެ ފަރާތްތަކާއި ގުޅިގެން ސެމިނާއެއް ބާއްވާފައެވެ.
ގާނޫނީ ދާއިރާގެ ތަޖުރިބާ ކާރު ޑރ.ޖަމީލް ވިދާޅުވީ ޝަރުއީ ނިޒާމު އިސްލާހު ކުރުމުގެ ތެރޭގައި އެއް ބާރަކުން އަނެއް ބާރުގެ ތެރެއަށް ވަދެވޭ ގޮތަށް އިސްލާހުތައް ފަރުމާ ކުރެއްވުމަށް ދެކޮޅު ހައްދަވާ ކަމަށެވެ. އެއް ބާރަކުން އަނެއް ބާރުގެ ތެރެއަށް ވަދެވޭ ގޮތަށް ޝަރުއީ ނިޒާމު އޮތުމަކީ އެ ނިޒާމު ހަރުދަނާ ކުރުމުގެ ބަދަލުގައި ފަހަތަށް އެޅޭ ފިޔަވަޅެއް ކަމަށް ވުމަކީ ވަރަށް އެކަށީގެންވާ ކަމެއް ކަމަށް ވެސް ޖަމީލް ވިދާޅުވި އެވެ.
މަޝްހޫރު ވަކީލުންނާއި ޝަރުއީ ދާއިރާގެ ބޭފުޅުން ދަނީ ޝަރުއީ ނިޒާމް ރަނގަޅުކޮށް އިސްލާހުކުރަން ޖެހޭކަމަށް ގޮވާލަމުންނެވެ. މީގެ އިތުރުން ރައީސުލް ޖުމްހޫރިއްޔާ އިބްރާޙީމް މުހައްމަދު ސޯލިހުވެސް ވަނީ ފަނޑިޔާރުގެ ޖަވާބުދާރީކޮށް ފަނޑިޔާރުގެ އިސްލާހް ކުރަން ޖެހޭ ކަމަށް ވިދާޅުވެފައެވެ.
