ރިއަލިޓީ ޓީވީ ތަރި ކިމް ކަޑާޝިއަން އާއި ލަވަކިޔުންތެރިޔާ ކެނަޔޭ ވެސްޓްއަށް
ހަތަރުވަނަ ކުއްޖާ ލިބެން އުޅޭކަން އެމީހުން ކަށަވަރުކޮށްދީފިއެވެ.
އުމުރުން 38 އަހަރުގެ ކިމް އަށް ހަތަރުވަނަ ކުއްޖާ ލިބެން އުޅޭކަން ހާމަކޮށްފައިވަނީ މަޝްހޫރު ޓީވީ ޝޯ ‘ވޮޗް ވަޓް ހެޕެންސް ލައިވް އިތް އޭންޑީ ކޮހެން’ ގައި ވާހަކަ ދައްކަމުންނެވެ.
ކިމް އާއި ކެންޔޭގެ ތިންކުދިން މިހާރު ތިބޭއިރު އެތަނުން އެންމެ ހަނގު ކުއްޖާ އެންމެ އެއް އަހަރުގެ ޗިކާގޯ އަކީ ސަރޮގެސީ މެދުވެރިކޮށް ހޯދާފައިވާ ކުއްޖެކެވެ.ދެން ތިބެނީ ފަސް އަހަރުގެ ނޯތު އާއި ތިން އަހަރުގެ ސައިންޓްއެވެ. ކިމް ބުނީ މިހާރު ލިބޭ ކުއްޖާއަކީވެސް ސަރޮގެސީ މެދުވެރިކޮށް ލިބޭ ކުއްޖެއް ކަމަށެވެ. ކިމް އިތުރަށް ބުނީ މިހާރު އެމީހުންނަށް ލިބޭ ކުއްޖަކީ ފިރިހެން ކުއްޖެއް ކަމަށެވެ.
ކިމްއަށް މިހާރު މި ލިބޭ ކުއްޖާގެ ވާހަކަ ދެއްކުނީ އިންޓަވިއުއެއްގައި ނޫނެވެ. މިވާހަކަތައް އޭނާޔަށް ދެއްކުނީ ކްރިސްމަސް ޕާޓީގައި މަސްތުގެ ހާލުގައި ހުއްޓާ ކަމަށް އޭނާ ބުންޏެވެ. އަދި ކިމް ބުނީ އޭނާއަށް މިވާހަކަތައް ދެއްކުނީ ކޮންބައެއް ކައިރީގައިކަމެއް ނޭނގޭކަމަށެވެ. ރިޕޯޓުތައް ބުނާގޮތުގައި ކިމްގެ ހަތަރުވަނަ ކުއްޖާ ވިހާނީ މެއި މަހުގެ ތެރޭގައެވެ.
