އަންނަ އަހަރުގެ މާޗް މަހު ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ އިންތިހާބުގައި 87 ދާއިރާއަކަށް އެމްޑީޕީއިން ވާދަކުރަން އެ ޕާޓީގެ ގައުމީ މަޖިލީހުގެ މެންބަރުންގެ ތާއިދުކުރާ ކަމަށް އެ ޕާޓީން ބުނެފިއެވެ
މިދިޔަ ބުރާސްފަތި ދުވަހު މަޖިލީސް އިންތިހާބާއި ބެހޭ ގޮތުން މަޝްވަރާކުރުމަށް އެމްޑީޕީގެ އޮފީހުގައި ގައުމީ މަޖިލީހުގެ ނުރަސްމީ ބައްދަލުވުމެއް ބާއްވާފައިވާއިރު ޖަލްސާ ލީޑް ކުރެއްވީ ޕާޓީގެ ރައީސް މުހައްމަދު ނަޝީދާއި ޗެއާޕާސަން ހަސަން ލަތީފެވެ
ކޯލިޝަންގެ ތެރެއިން ދާއިރާތައް ބަހާނެ ގޮތާމެދު ގޮތްތަކެއް ނިންމުން ލަސްވެފައިވާތީ އެމްޑީޕީއިން ހުރިހާ ދާއިރާއަކަށް ނުކުންނަން ގައުމީ މަޖިލީހުގެ ގިނަ މެންބަރުން ތާއިދުކޮށްފައިވަނީ އެމްޑީޕީގެ ޕްރައިމެރީ ބާއްވާ ކެމްޕެއިންކުރުމަށް އެ ޕާޓީއަށް ވަގުތު ބޭނުންވާތީކަމަށް ގައުމީ މަޖިލީހުގެ މެމްބަރުންވަނީ ބުނެފައެވެ
ގައުމީ މަޖިލިސް މެންބަރުން މިހެން ވިދާޅުވި ނަމަވެސް އެމްޑީޕީއިން ހުރިހާ ދާއިރާއަކަށް ކުރިމަތިލުމާއި ގުޅޭ ގޮތުން ވަކި ގޮތެއް އަދި ގައުމީ މަޖިލީހުގައި ނިންމާފައެއް ނުވެ އެވެ. .
