ވިލިމާލޭ ގެއެއްގެ ތެރެއިން މަރުވެފައި އޮތް، އުމުރުން ދުވަސްވީ މީހަކު ފެނިއްޖެއެވެ.
ފުލުހުން ބުނީ ވިލިމާލޭ ގެއެއްގެ ތެރޭގައި މީހަކު މަރުވެފައި އޮތްކަމުގެ މައުލޫމާތު ރޭ 22:10 އެހައިކަންހާއިރު ލިބިފައިވާ ކަމަށެވެ.
މަރުވެފައި އޮއްވައި ފެނުނީ އުމުރުން 60 އަހަރުގެ ފިރިހެނެއް ކަމަށާއި އެ މައްސަލަ ތަހުގީގު ކުރަމުން އަންނަ ކަމަށް ވެސް ފުލުހުން ބުންޏެވެ.
މައުލޫމާތު ލިބިފައިވާގޮތުގައި އެމީހާ އެގޭގެ ތެރޭގައި މަރުވެފައި އޮންނަތާ ތިންދުވަސް ވެދާނެ ކަމަށް ލަފާކުރެވެއެވެ. ބައެއް މީހުން ބުނެފައިވަނީ ހަތަރު ވަރަކަށް ދުވަސްވެދާނެ ކަމަށެވެ.
މަރުވެފައި އޮއްވާ ފެނިފައިވަނީ ގއ. ކޮލަމާފުށްޓަށް ނިސްބަތްވާ މީހެއް ކަމަށާއި، އޭނާއަކީ މޯލްޑިވްސް އެއަރޕޯޓްސް ކޮމްޕެނީގައި މަސައްކަތް ކުރާ މީހެއް ކަމަށްވެސް މައުލޫމާތު ލިބެއެވެ.
