އިދިކޮޅު ފަރާތްތަކުން ރައީސް ޔާމީން އާއި ގުޅުވައިގެން ފިއްލަވާ ވާހަކަ ދައްކަނީ އިދިކޮޅު ބޭފުޅުން އެމަނިކުފާނު ދެކެ ޖެހިލުންވާތީ ކަމަށް ގެމަނަފުށި ދާއިރާގެ މެންބަރު ޖަމީލް އުސްމާން ވިދާޅުވެއްޖެއެވެ
މިހެން ޖަމީލްއުސްމާން ވިދާޅުވީ މެޑަމް ފާތިމަތު އިބްރާހިމް ސައުދީއަށް ކުރެއްވި ނުރަސްމީ ދަތުރުފުޅައް ފަހު ރާއްޖެވަޑައި ގަތުމުން އެ ކަމަނާއަށް މަރުހަބާ ދެންނެވުމަށް އެއް ނަންބަރު ފާލަން ދޮށަށް ވަޑައިގެން، މީޑިއާތަކާއި ވާހަކަ ދައްކަވަމުންނެވެ
ޖަމީލް އުސްމާން ވިދާޅުވީ ރައީސް ޔާމީނަކީ ވަތަނީ ލީޑަރެއްކަމަށާއި އެއީ ޤައުމު ދޫކުރައްވައި ފިއްލަވާނެ ބޭފުޅެއް ނޫންކަމަށެވެ. އަދި ރައީސް ޔާމީން އަކީ އައު ޤާނޫނޫ އަސީސީގެ ދަށުން ރިޔާސީ ދައުރެއް ފުރިހަމަ ކުރެއްވި ފުރަތަމަ ރައީސްކަމަށް އޭނާ ވިދާޅުވިއެވެ
މީގެ އިތުރުން ޖަމީލް އުސްމާން ވިދާޅުވީ އިދިކޮޅު ލީޑަރަކަށް ރައީސް ޔާމީން ހުންނެވުމަކީ އާ ސަރުކާރު ޖެހިލުން ވާނެ ކަމެއް ކަމުގައެވެ
