ޤައުމަކަށް އެންމެ އެކަށޭނަ ތަރައްޤީއާއި ކާމިޔާބީ ޙާސިލުކުރެވޭނީ އެއް ވިސްނުމަކަށް އަދި އެއްމިސްރާބަކަށް މަސައްކަތްކުރާ ވިސްނުމެއް ހުރެގެންކަމަށް ރައްޔިތުންގެ މަޖިލީހުގެ ފޭދޫ ދާއިރާގެ ކުރީގެމެމްބަރ އަލްހާން ފަހުމީ ވިދާޅުވެއްޖެއެވެ
ރޭ އައްޑޫ ސިޓީ ހިތަދޫގައި ޕީޕީއެމް އިން ބޭއްވި ޖަލްސާގައި ވާހަކަދައްކަވަމުން އަލްހާން ވިދާޅުވީ މި ވަގުތު ރާއްޖޭގެ ސިޔާސީ މަސްރަހުގައި ރައީސް ޔާމީނު ފިޔަވައި އެއް ވިސްނުމަކަށް އަދި އެއްމިސްރާބަކަށް މަސައްކަތްކުރާ ބޭފުޅެއް ނެތްކަމަށެވެ.
ރައީސުލްޖުމްހޫރިއްޔާގެ އަނބިކަނބަލުން ބައިވެރިވެވަޑައިގެންނެވި މި ޖަލްސާގައި އަލްހާން ވިދާޅުވީ އިދިކޮޅު އިއްތިޙާދުގެ ނަމުގައި މިހާރު އުފައްދާފައިވާ އިއްތިޙާދުގެ މެދުގައި އެއްވެސް އެއްބައިވަންތަކަމެއް ނެތްކަމަށާއި މިފަދަ ބަޔަކަށް ޤައުމު އަމާން މަންޒިލަކަށް ވާޞިލްކޮށް ނުދެވޭނެކަމަށެވެ.
އެމްޑީޕީއާއި ގުޅިފައިވާ ކޯލިޝަނަށް ވަރަށް ބޮޑަށް ފާޑުވިދާޅުވެ ވާހަކަދައްކަމުން އަލްހާން ވިދާޅުވީ އެމްޑީޕީއަކީ އަބަދުވެސް ޢާންމުންގެ މެދުގައި ދޮގުޚަބަރުތަށް ފަތުރާ މުޖުތަމަޢުގެ އެއްބައިވަންތަކަން ނިގުޅައިގަތުމަށް މަސައްކަތްކުރާ ބައެއްކަމަށެވެ
