އިނގިރޭސިވިލާތުގެ ނަރުހެއް ކަމަށްވާ އުމުރުން 28 އަހަރުގެ ސަމަންތާ ގެއްލިގެން ހޯދަމުންދާތާ އަށް ދުވަސް ފަހުން މަރުވެފައި އޮތްވާ ފެނިއްޖެއެވެ.
ސްޓެފޯޑްޝިއަރ ފުލުހުންނާ ހަވާލާދީ ޑެއިލީ މެއިލްގައި ބުނެފައި ވަނީ 100 އޮފިސަރުންނާއި ސްނިޕަރ ޑޯގް ބޭނުންކޮށްގެން ސަމަންތާ ހޯދުމުގެ މަސައްކަތް ހުއްޓުމެއްނެތި ކުރަމުން ދަނިކޮށް މަރުވެފައިވާ އޭނަގެ ހަށިގަނޑު ފެނިފައި ވަނީ އޭނާދިރިއުޅޭ ހިސާބާ މާދުރުނޫން ހިސާބެއްގެ ވަލުތެރެއިން އިއްޔެގެ ވަގުތެއްގައި ކަމަށެވެ.
ފުލުހުން ބުނެފައިވަނީ ސަމަންތާ ގެއްލުމާއި ގުޅިގެން އުމުރުން 32 އަހަރުގެ ފިރިހެނަކު ހައްޔަރުކޮށް ތަހުގީގަށްފަހު އޭނާދޫކޮށްލުމަށްފަހު އެމީހާގެ މައްޗަށް ތުހުމަތު ކުރެވޭ ކަންތައްތަކެއް ހުރުމުން އަނެއްކާވެސް އެމީހާ ހައްޔަރު ކޮށްފައި ވާކަމަށެވެ . އަދި ސަމަންތާ ވަގަށްނަގާ މަރާލި މީހާއަށް އެހީތެރިވެދިން ކަމުގެ ތުހުމަތުގައި އުމުރުން 28 އަހަރުގެ ފިރިހެނަކާ 60 އަހަރުގެ ފިރިހެނެއްވެސް މިހާރު ހައްޔަރު ކޮށްފައި ކަމަށް ފުލުހުން ބުނެއެވެ
ސަމަންތާ ގެއްލުމުގެ އިރުކޮޅެއްކުރިން އެހެން ނަރުހަކާއެކު ޑއިުޓީ ނިންމާފައި ހޮސްޕިޓަލުން ނިކުންނަ މަންޒަރު
ސަމަންތާ ދިރިއުޅޭ ފްލެޓް ކައިރީ އުޅޭ މީހަކު މީޑިއާއަށް މައުލޫމާތު ދެމުން ބުނެފައިވަނީ އޭނާގެއްލުނު ދުވަހު މެންދުރު 2 ޖަހާކަންހާއިރު އެފްލެޓުން ވަރަށްބާރަށް މީހަކު ހަޅޭއްލެވި އަޑު އިވުނުކަމަށެވެ. ސަމަންތާ ގެއްލިގިގެން އުޅޭކަމަށް ފުލުހުންނަށް ރިޕޯރޓްކުރީ ހޮސްޕިޓަލްގެ ނަރުހަކު ސަމަންތާ ޑިއުޓީއަށް ނައުމުން ފޯނަށްގުޅައިގެންވެސް ހަބަރުނުވުމުންނެވެ.
ބައެއް މީޑިއާ ރިޕޯރޓްތަކުން ބުނާގޮތުގައި ސަމަންތާ ޖޫންމަހު ވަނީ ޖޯންކިޔާ މީހަކާއެކު ކައިވެންޏަށް ތައްޔާރު ވެފައެވެ. ނަމަވެސް ފަހުން ދެމީހުން މައްސަލަތަކެއް ޖެހި ޖޯން ސަމަންތާދޫކޮށް އެހެން ގެޔަކަށްބަދަލުވީ އެވެ. ބައެއް މީޑިއާ ރިޕޯޓް ތަކުގައި ބުނެފައި ވާގޮތުގައި ސަމަންތާގެ މިހާރުގެ ލޯބިވެރިޔާ އޭނަ ގެއްލުމާއި އެއްކޮށްވަނީ ފިލާފައެވެ. އަދި ފުލުހުން ސަމަންތާގެ ލޯބިވެރިޔާގެ ދައްތަ އާއި ފިރިމީހާ ދިރިއުޅޭގޭގެ ބޭރުގައި ފޯރިމަރަމުންދާ ކަމަށް ބައެއްރިޕޯރޓްތަބުނެއެވެ.
ރޯޔަލް ސްޓޯކް ޔުނިވަރސިޓީ ހޮސްޕިޓަލްގައި މަސައްކަތް ކުރަމުންދިޔަ ސްމަންތާގެ މަރުގެ ހާދިސާ ސްޓެފޯޑްޝިއަރ ޕުލުހުން މިހާރުތަހުގީގު ކުރަމުންދާ އިރު ވަރަށް އަވަހަށް ޕޯސްޓްމޯޓަމް ރިޕޯރޓް ހާމަކުރާނެކަމަށް ފުލުހުން ބުނެފައި ވެއެވެ.
