ނަޕޯލީގެ ކުރީގެ ސަރީ ޗެލްސީއާ ގުޅުނުތާ މާގިނައިރެއް ނުވަނީސް އިނގިރޭސި ވިލާތުގެ މެންޗެސްޓަރ ސިޓީއިން ގެންދަން މަސައްކަތް ކުރަމުން ގެންދިޔަ ނަޕޯލީގެ މިޑްފިލްޑަރ ޖޯޖީނޯ ޗެލްސީއަށް ސޮއި ކޮށްފިއެވެ.
އުމުރުން 26 އަހަރުގެ ޖޯޖީނިއޯ ޗެލްސީ އަށް ބަދަލުވީ ސިޓީއިން އޭނާގެ ސޮއި ހޯދުމާއި ވަރަށް ގާތަށް ޖެހި ލާފައިވަނިކޮށް 60 މިލިއަން ޕައުންޑުއަށެވެ.
ޗެލްސީގެ ކޯޗު ކަމާއި އަލަށް ހަވާލުވެ ސަރީ ޖޯޖީނިއޯ ޗެލްސީއަށް ގެނެސްފައިވަނީ ފަސް އަހަރު ދުވަހުގެ އެއްބަސްވުމެއްގެ ދަށުންން ޗެލްސީގެ ތާރީހުގައި ވެސް އެންމެ ބޮޑު އަގެއްގައި އެ ކްލަބަށް ގެނައި މިޑްފީލްޑަރުގެ ގޮތުގައެވެ.
ޗެލްސީ އަށް ބަދަލުވުމަށްފަހު ޖޯޖީނިއޯ ބުނީ ދުނިޔޭގެ އެންމެ ވަރުގަދަ ލީގުގެ ޗެމްޕިއަން މެންޗެސްޓަރ ސިޓީއަށް ނޫނެކޭ ބުނެފައި ޗެލްސީއާއި ގުޅުން އޭނާއަށް ވީ އުނދަގޫ ކަމެއް ކަމަށާއި އެހެން ނަމަވެސް ކުރީގެ ކޯޗު ސަރީ އާއި އެކްލަބަށް އާދެވުމުން އެކަމާ ވަރަށް ބޮޑަށް އުފާވެފައިވާ ކަމަށެވެ.
ނަޕޯލީގެ މެދުތެރޭގައި މިދިޔަ ސީޒަނުގައި މުހިއްމު ދައުރެއް އަދާކުރި ޖޯޖީނިއޯ އެ ކްލަބާ ގުޅުނީ 2014 ވަނަ އަހަރެވެ.
ޖޯޖީނިއީ ޗެލްސީ އަށް ބަދަލުވެފައިވާއިރު އޭނާ ވަނީ މިދިޔަ ދެ ސީޒަންގައި ވެސް ނަޕޯލީ އިޓާލިއަން ލީގުގެ ދެވަނަ ހޯދުމުގައި އިސް ދައުރެއް އަދާކޮށްފައެވެ.
