އެމްޑީޕީން އިއްޔެ ބޭއްވި ރިޔާސީ ޕްރައިމަރީގައި ވާދަކުރެއްވި ހަމަ އެކަނި ކެންޑިޑޭޓް، ކުރީގެ ރައީސް މުޙައްމަދު ނަޝީދު އެ ޕާޓީގެ ރިޔާސީ ޕްރައިމަރީ 40000 އަށް ވުރެ ގިނަ ވޯޓުން ކާމިޔާބު ކުރައްވައިފިއެވެ.
ސިވިލް ކޯޓުގެ އަމުރަށް ގޮންޖަހާލުމަށްފަހު ކުރިއަށް ގެންދިޔަ މި ވޯޓުލުމުގައި ޕްރައިމަރީގެ ނަތީޖާ އިއުލާނުކޮށްފައިވާއިރު، އެމްޑިޕީން ބުނީ ނަޝިދު ޕްރައިމަރީ ކާމިޔާބުކުރެއްވީ ވޯޓުލީ 44،011 މީހުންގެ ތެރެއިން 43،922 މީހުންގެ ވޯޓު ހޯއްދަވައިގެން ކަމަށެވެ. އެއީ ވޯޓު ލީކަމަށް އެމްޑިޕީން ބުނާ މީހުންގެ 99.80 އިންސައްތައެވެ
ޕްރައިމަރީގައި ނުފެންނަ ކަމަށް އެންމެ 14 ވޯޓް ދީފައިވާއިރު، ބާތިލް ވޯޓްގެ އަދަދަކީ 75 ކަމަށް އެމްޑީޕީން ބުނެއެވެ.
އެމްޑީޕީގެ ޕްރައިމަރީ ކުރިއަށް ގެންގޮސްފައިވަނީ އިލެކްޝަންސް ކޮމިޝަނުގެ ހުރަސްއެޅުންތަކާއިވެސް އެކުގައެވެ. އިލެކްޝަންސް ކޮމިޝަނުގެ އަމުރައް ފުލުހުން ޕްރައިމަރީ ހުއްޓުވުމަށް މަސައްކަތްކޮށް ބައެއް ވޯޓްފޮށިތައްވެސްވަނީ ގެންގޮސްފައެވެ.އެއާއި އެކު އެމްޑީޕީން ފަހުން ވޯޓުލުމަށް ފޮށީގެ ބަދަލުގައި ބޭނުންކުރަމުން ދިޔައީ ބާޒާރު ކޮތަޅާއި، ކޮންކްރީޓު މެޝިނާއި، އުވައޮޑި އާއި ގޭގެ ވަޅާއި، ބޮޑެތި ތާނގީފަދަ އެއްޗެއްސެވެ.
