އެމްޑީޕީގެ ޕްރައިމަރީގައި ވޯޓުލުން ކުރިއަށް ގެންދަނިކޮށް ކޯޓު އަމުރުގެ ދަށުން ވޯޓުލުން ހުއްޓުވައި އެމްޑީޕީ ހަރުގޭގައި ހުރި ވޯޓު ފޮށިތައް ފުލުހުންގެ ވެހިކަލްގައި ގެންގޮސްފިއެވެ.
އެމްޑީޕީއިން ކުރިއަށް ގެންދިޔަ ޕާޓީގެ ޕްރައިމަރީ ހުއްޓުވަން ރަޔަޓް ފުލުހުން އެމްޑީޕީގެ ވޯޓްލުން ކުރިއަށްދާ މަރުކަޒުތަކަށް ގޮސްފައިވަނީ ކުރީގެ ރައީސް މުހައްމަދު ނަޝީދު ބައިވެރިކޮށްގެން އެއްވެސް އިންތިހާބެއް ނުބޭއްވުމަށާއި އެފަދަ އިންތިހާބެއް ކުރިއަށްދާ ނަމަ އެކަން ހުއްޓުވަން ފުލުހުންގެ މައްޗަށް ސިވިލް ކޯޓުން މިއަދު އަމުރެއް ނެރެފައި ވަނިކޮށެވެ.
މާލޭގައި އެމްޑީޕީން ހިންގާ މައި ހަރުގޭގައި ކުރިއަށް ގެންދިޔަ ވޯޓުލުން ފުލުހުން ގޮސް ހުއްޓުވައި ވޯޓު ފޮށިތައް ގެންގޮސްފައިވާއިރު، ރަށްރުގައި ވެސް ވޯޓުލުން މިހާރު ވަނީ ހުއްޓުވަން ފަށާފައެވެ.
ކޯޓުގެ އަމުރުގެ ދަށުން ވޯޓު ލުން ހުއްޓުވައި ވޯޓު ފޮށިތައް ފުލުހުންގެ ބެލުމުގެ ދަށަަށް ގެންގޮސްފައިވާއިރު އެޕާޓީން ވަނީ ޕްރައިމަރީގެ ވޯޓުލުން ހުއްޓުވި ނަމަވެސް، އޮންލައިންކޮށް ވޯޓުލެވޭނެ ކަމަށް އިއުލާން ކޮށްފައެވެ
ޖަލު ހުކުމެއް ތަންފީޒު ކުރަައްވަވަމުން ގެންދަވާ ކުރީގެ ރައީސް މުޙައްމަދު ނަޝީދު އެކަނި ކުރިމަތިލައްވާފައިވާ ޕްރައިމަރީ ހުއްޓާލުމުގެ އަމުރެއް ސިވިލް ކޯޓުން ނެރުނުއިރު، މިއަދު މެންދުރު 2:00 ގައި އެ ޕްރައިމަރީގެ ވޯޓުލުން މާލެ އާއި ރަށްރަށުގައި ވަނީ ފަށައިފަ އެވެ.
