އިންޑިއާ އާއި ރާއްޖެ ގެ ގުޅުން ނުކެނޑޭނޭކަމަށާއި އަދި ކަނޑުވާވެސް ނުލެވޭނެކަމަށް އިންޑިއާގެ އެކްސްޓަރނަލް އެފެއަރޒް މިނިސްޓަރ ސުޝްމާ ސުވަރާޖް ވިދާޅުވެއްޖެއެވެ
އިންޑިއާގެ ބޮޑިވަޒީރު ނަރެންދްރަ މޯދީގެ ސަރުކާރުގެ ހަތަރުއަހަރުގެ ކާމިޔާބީ ފާހަގަކުރުމުގެ ގޮތުން އެޤައުމުގެ މިނިސްޓްރީ އޮފް އެކްސްޓަރނަލް އެފެއަރޒުން ބޭއްވި ބައްދަލުވުމުގައި ސުޝްމާ ވިދާޅުވީ ރާއްޖެއާއި އިންޑިއާގެ ދޭދޭ ގުޅުމަށް ބައެއް ޙާލަތްތަކުގައި ހީނަރުކަން އައި ނަމަވެސްދެޤައުމުގެ ގުޅުން ނުކެނޑޭކަމަށެވެ
ރާއްޖެ އާއި އިންޑިއާގެ ގުޅުމާއި ބެހޭ ގޮތުން ވާހަކަދައްކަވަމުން ސުޝްމާ ވިދާޅުވީ ރާއްޖެއަކީ އިންޑިއާގެ އަވައްޓެރި ގައުމެއް ކަމަށާއި ފުރަތަމަ އިންޑިއާއަކީ ރާއްޖޭގެ ހާރިޖީ ސިޔާސަތުގެ ބައެއްކަމަށެވެ. މީގެ އިތުރުން ސުޝްމާ ވިދާޅުވީ އިންޑިއާގެ ދައުރަކީ ރާއްޖެ އަށް ލަފާ ދީ އިންސާނީ އެހީތެރިކަން ފޯރުކޮށްދިނުން ކަމަށެވެ
މީގެ އިތުރުން ސުޝްމާ ވިދާޅުވީ ދޭތެރެ ދޭތެރެއިން އިންޑިއާ އާއި ރާއްޖޭގެ ގުޅުމަށް ބުރު އެރި ނަމަވެސް އިންޑިއާއިން ރާއްޖެއަށް ދެމުން އަންނަ އިންސާނީ އެހީ ކަނޑާނުލާނެކަމަށެވެ
