ބޭނުންވާނެ ތަކެތި:
1 ވައް ދޮންކެޔޮ
1 ބިސް
1 ސައިސަމުސާ ބަޓަރ
ބައިޖޯޑު ފުށުން މޮޑެފައިވާ ފުށްގަނޑެއް
ޗޮކްލެޓް ސިރަޕް
ގެރިކިރު
ތައްޔާރުކުރާނެ ގޮތް:
ރޮއްޓެއް ދަމާލެވޭ ގޮތަށް ފުށްކޮޅު މޮޑެލާށެވެ. އެއަށްފަހު މަޑު ގިނީގައި ތަވާމަތީގައި ބަޓަރު ކޮޅު ހާކާލާށެވެ. ދެން ފުށްގަނޑުން ރޮއްޓެއް ފިހާވަރަށް ތުނިކޮށް ރޮށި ދަމާލުމަށްފަހު ތަވާމަތީ ބާއްވާށެވެ. ދޮންކޮެޔޮ ފޮތިފޮތި ކޮށްލުމަށްފަހު ބިހާ އެއްކޮށްލާށެވެ. ދޮންކޭލާއި ބިހާ ރޮށީގެ މައްޗަށް އަޅާލުމަށް ފަހު ރޮށީގެ 4 ކަނުން ގެނެސް ރޮށި ފަށްޖަހާލާށެވެ. އެއަށް ފަހު ރަނގަޅަށް ފިހެލާށެވެ.
ރަތް ތޮށިލާވަރަށް ފިހެ ނިމުމުން ތަވާ މަތިން ނެގުމަށް ފަހު ވަޅިން މަޑުން އެޅި އަޅައި 4 ބަޔަށް ބައިކޮށްލާށެވެ. މައްޗަށް ޗޮކްލެޓް ސިރަޕް އަދި ގެރިކިރު (އެމީހަކު ބޭނުން ޑިޒައިނަކަށް ވާގޮތަށް ) އަޅާ ލުމަށްފަހު ސާރވް ކުރާށެވެ. ހޫނުކޮށް އަދި އައިސްކޮށްގެންވެސް މި ކްރެޕްސް މީރުވާނެއެވެ.
ގިނައިން ތައްޔާރުކުރަން ބޭނުންނަމަ މި އަދަދު އިތުރުކޮށްލާށެވެ.
މި ވައްތަރުގެ ކްރެޕްސް ހަދާއިރު ތަފާތު ގޮތްގޮތަށް ފުށްގަނޑު ތައްޔާރުކުރެއެވެ. އެގޮތުން ޕޭން ކޭކް ހަދާގޮތަށް ފުށްގަނޑު ތައްޔާރުކޮށްގެން ވެސް ބައެއް މީހުން ކްރެޕްސް ތައްޔާރުކުރެއެވެ. އަދި ދޮންކޭލުގެ ބަދަލުގައި އެހެން މޭވާ އެއް އަޅައިގެން ވެސް ބޭނުން ކުރެއެވެ. އެމީހަކަށް އެންމެ މީރު ގޮތަކަށް ތައްޔާރުކޮށްލުމުން ނިމުނީއެވެ.
