އިންޑިއާގެ މަޝްހޫރު ޓީވީ ތަރި އަމީތާ އަޑްގާތާ ފުއްޕާމޭ ފެއިލްވެގެން މަރުވެއްޖެއެވެ
ސޯނީ ޓީވީ އިން ދެއްކި މަޝްހޫރު ޑްރާމާ ކުޗް ރަންގެ ޕީޔަރްކީ އެއިސާ ބީ އިން ގިނަ ބައެއްގެ މަގްބޫލުކަން ހޯދާފައިވާ އަމީތާ މަރުވެފައިވަނީ މުމްބާއީގެ ކްރިޓީ ކެއާ ހޮސްޕިޓަލްގައި ހަތަރު ދުވަސްވަންދެން ލައިފް ސަޕޯޓްގެ މެޝިނުގެ އެހީގައި އޮތުމަށްފަހު ރޭގެ ވަގުތެއްގައެވެ
އަމީތާ ބޮޑަށް މަޝްހޫރުވެފައިވަނީ ސްޓާ ޕްލަސް އިން ދެއްކި ޑްރާމާ މަންކީ އާވާޒް ޕްރަތިކްޔާ ގައި ކުޅެފައިވާ އައްމާގެ ރޯލުންނެވެ.
މީގެ އިތުރުންވެސް އަމީތާ ވަނީ ވަރަށް ގިނަ ޓީވީ ޑްރާމާތަކުން ފެނިގެން ގޮސްފައެވެ.ޕްރަތިކްޔާގެ އިތުރުން އަމީތާ ކުޅެފައިވާ ޑްރާމާތަކުގެ ތެރޭގައި މަހަރާނާ ޕްރަތާބް، ބާބާ އެއިސާ ވަރް ޑޫޑޯ، ޑޯލީ އަރްމާނީގެ އިތުރުން އެންމެ ފަހުން ކުޅެފައިވާ ކުޗްރަންގް ޕިޔާރްކީ އެއިސާ ބީ ހިމެނެއެވެ
އަމީތާގެ އާއިލާގެ ގާތް ފަރާތަކުން ބުނެފައިވަނީ އާއިލާއިން މިހާރު މަޑުކުރަމުން ދަނީ އަމީތާގެ ދޮށީ ދަރިފުޅު އަންނަންދެންކަމަށާއި އޭނާ އައުމުން މާދަމާ ޖަނާޒާގެ ކަންތައްތައް ކުރިއަށް ގެންދާނެ ކަމަށެވެ
