ރޭ ހިނގި ލޯންޗް އެކްސިޑެންޓްގައި ގެއްލުނު މީހާ މަރުވެފައި އޮއްވާ ފެނިއްޖެކަމަށް އެމްއެންޑީއެފުން ވިދާޅުވެއްޖެއެވެ.
އެމްއެންޑީއެފްގެ އިންފޮމޭޝަން އޮފިސަރ ކެޕްޓަން އިބްރާހިމް އާޒިމް ވިދާޅުވީ ގެއްލިގެން ހޯދަމުން ދިޔަ ލޯންޗްގެ ކެޕްޓަން 45 މީޓަރު އަޑީގައި އޮއްވާ ކޯސްޓް ގާޑްގެ ޑައިވަރުންނަށް ދެންމެ ފެނިފައިވާ ކަމަށެވެ. އޭނާގެ ހަށިގަނޑު މާލެ ގެނައުމުގެ މަސައްކަތް ކުރަމުން އަންނަ ކަމަށް ވެސް ކެޕްޓަން އާޒިމް ވިދާޅުވިއެވ.
ކ. ގުޅީގެ ހުޅަނގުން ހަ މޭލު ބޭރުން، ދެ ލޯންޗު ޖެހި ރޭ ހިނގި ނުރައްކާތެރި އެކްސިޑެންޓެއްގައި އަނިޔާވި އެކަކު ވަނީ ނިޔާވެފައެވެ. ނިޔާވެފައި ވަނީ ބަންގްލަދޭޝް ރައްޔިތެކެވެ. އެކްސިޑެންޓްގައި އަނިޔާވި ހަތް މީހަކަށް އޭޑީކޭ ހޮސްޕިޓަލްގައި މިހާރު ވެސް ދަނީ ފަރުވާ ދެމުންނެވެ.
