ސްޕެނިޝް ލަލީގާގައި ރޭ ރިއާލް މެޑްރިޑާއި މަލާގާ ބައްދަލު ކުރި މެޗު ކާމިޔާބުކޮށް ރިއާލް މެޑްރިޑު ތާވަލުގެ ތިން ވަނައަށް ޖެހިލައިފިއެވެ.
ސްޕެނިޝް ލީގުގައި ރޭ ކުޅުނު މެޗުގައި ރިއަލްމެޑްރިޑްގެ އެންމެ މުހިންމު ދެކުޅުންތެރިން ކަމުގައިވާ ކްރިސްޓިއާނޯ ރޮނާލްޑޯ އާއި ގަރެތު ބޭލް ނުލައި ރެއާލް މެޑްރިޑް ކުޅުނު ރިއަލް ކާމިޔާބުކުރީ 2-1 ލަނޑުންނެވެ.
ރޭގެ މިނަތީޖާ އާއި އެކު ލީގުގެ ތިންވަނައިގައި 67 ޕޮއިންޓާ އެކު ރިއަލްމެޑްރިޑް އޮތް އިރު ހަތަރުވަނާގައި އޮތް ވެލެންސިޔާ އޮތީ 65 ޕޮއިންޓާއިއެކުގައެވެ. އަދި އެއްވަނައިގައި 82 ޕޮއިންޓާ އެކު އޮތީ ބާސެލޯނާ އޮތް އިރު ދެވަނައިގައި 71 ޕޮއިންޓާ އެކު އޮތީ އެތުލެޓިކޯ މެޑްރިޑްއެވެ.
ރޭގެ މެޗުގައި ރެއާލްގެ ފުރަތަމަ ލަނޑުން ލީޑުނަގާ މެޗުގެ 29 މިނިޓްގައި އިސްކޯ ޖެހި ހިލޭ ޖެހުމަކުން އޭނާގެ ކުރީގެ ކުލަބް މަލާގާކޮޅަށް ޖަހާފައިވާއިރު ރިއަލްގެ ދެވަނަ ލަނޑު ދެވަނަ ހާފްގެ ކުރީ ކޮޅު ކާމިޔާބުކޮށް ލީޑު ފުޅާކޮށްދިނީ ކަސެމޯރޯ އެވެ. މަލަގާއިން މެޗުގައި ޖެހި ހަމައެކަނި ލަނޑު މެޗުގެ 90 ވަނަ މިނެޓުގައި ކާމިޔާބުކޮށްދިނީ ޑިއޭގޯ ރޮލަން އެވެ.
