ބަންޑާރަ ނައިބް މުހައްމަދު އަނިލް ޤާނޫނީ ވާހަކަދައްކަވާތީ، ލަދު ގަންނަކަމަށް ކުރީގެ ޔޫތު މިނިސްޓަރ މުހައްމަދު މަލީހް ޖަމާލް ވިދާޅުވެއްޖެއެވެ
ރާއްޖޭގައި ބާ ކައުންސިލެއް އުފައްދައި ވަކީލުންގެ ފަންނުގެ ކަންކަން އެ ކައުންސިލްގެ ދަށަށް ގެންދިއުމުގެ މަސައްކަތް ކުރައްވަމުން ގެންދަވާކަމަށް ބަންޑާރަ ނައިބު ވިދާޅުމާ ގުޅިގެން މަލީހްވަނީ ބަންޑާރަ ނައިބަށް ވަރަށް ބޮޑަށް ފާޑުވިދާޅުވެފައެވެ. މަލީހް ކުރެއްވި ޓުވީޓެއްގައި ވިދާޅުވީ ބަންޑާރަ ނައިބް ޤާނޫނީ ވާހަކަދައްކަވާތީ، ލަދު ގަންނަކަމަށާއި ސުޕްރީމް ކޯޓުގެ ހުކުމް ބަލައިނުގަންނަނާނެކަމަށް ބުނާ މީހަކު ބަންޑާރަ ނައިބްގެ މަޤާމުގައި ބަހައްޓަންވެސް ހެޔޮނުވާނެކަމުގައެވެ
މަލީހް މިގޮތަށް ވިދާޅުވެފައިވާއިރު ސުޕްރީމް ކޯޓުން ނެރުނު އަމުރު ތަންފީޒް ނުކުރުމަށް ބަންޑާރަ ނައިބް ލަފާދެއްވާފައިވާ ކަމަށް ރައީސުލްޖުމްހޫރިއްޔާ ޔާމީން އަބްދުލް ގައްޔޫމް ވަނީ ވިދާޅުވެ ފައެވެ
