ހުޅުމާލޭގައި ހިންގާ ގޭޓްވޭ އިންޓަނޭޝަނަލް ސްކޫލްގެ އެސިސްޓެންޓް ޕްރިންސިޕަލްގެ ކަންފަތްމަތީގައި ޖަހައި މާރާމާރީ ހިންގި، މީހަކު ހައްޔަރުކޮށްފި އެވެ
މި މައްސަލައިގައި އެ ސްކޫލުގެ ބެލެނިވެރިއަކު އިއްޔެ ހައްޔަރުކޮށްފައިވާއިރު އޭނާއާއި ބެހޭ އެއްވެސް މައުލޫމާތެއް އަދި އެގިފައެއް ނުއެވެ. މި މައްސަލާގައި ހައްޔަރުކޮށްފައިވާ ފިރިހެން މީހާގެ ބަންދާ މެދު ގޮތެއް ނިންމުމަށް މިއަދު ކޯޓަށް ހާޒިރުކުރާނެ ކަމަށް އެނގިފައިވެ އެވެ. މި މާރާމާރީގައި އަނިޔާވި އެސިސްޓެންޓް ޕްރިންސިޕަލަކީ ސްރީ ލަންކާ އަންހެނެއް ކަމަށާއި އޭނާގެ ކަންފަތްމަތީގައި ޖެހުމުގެ ސަބަބުން ސީރިއަސް އަނިޔާތަކެއް ލިބި އައިޖީއެމްޗްގައި ފަރުވާދީފައިވާކަމަށް މައުލޫމަތުވަނީ ލިބިފައެވެ
މިކަމާއި ބެހޭ ގޮތުން އެ ސްކޫލްގެ ބެލެނެވެރިއަކު ބުނެފައިވަނީ މި މާރާމާރީ ހިންގީ ގްރޭޑް 7 ގައި އުޅޭ އަންހެން ދަރިވަރަކު ބަލައި ބެލެނިވެރިޔާ ސްކޫލަށް ދިޔުމުން، އެ ދަރިވަރު ގެއަށް ގޮސްފިކަމަށް ބުނެ އެސިސްޓެންޓް ޕްރިންސިޕަލް ދޮގު ހެދި ކަމަށް ތުހުމަތުކޮށްފައެވެ
