ސްޕެނިޝް ލަލީގާގައި ރޭ އެތުލެޓިކޯ މެޑްރިޑާއި ޑެޕޯޓިވޯ ބައްދަލު ކުރި މެޗު އެތުލެޓިކޯ ކާމިޔާބުކޮށްފިއެވެ.
ލީގުގައި ރޭ އަމިއްލަ ދަނޑުގައި ކުޅުނު މިމެޗު އެތުލެޓިކޯއިން ކާމިޔާބުކޮށްފައިވަނީ 1-0 ލަނޑުގެ ނަތީޖާ އަކުންނެވެ.
އަމިއްލަ ދަނޑުގައި ކުޅުނު މިމެޗުގެ ހަމަ އެކަނި ލަނޑު އެތުލެޓިކޯއަށް ކާމިޔާބުކޮށްދީފައިވަނީ މެޗުގެ 34 ވަނަ މިނެޓުގައި ލިބުނު ޕެނެލްޓިއެއް ކާމިޔާބުކޮށް ކެވިން ގަމެއިރޯ އެވެ.
ރޭގެ މިނަތީޖާ އާއި އެކެ ލީގުގައި އެންމެ ފަހުން ކުޅުނު މެޗުގައި ސެވިއްޔާ އާއި ބައްދަލު ކުރި މެޗުން 2-2 ލަނޑުން އެއްވަރުވި ބާސެލޯނާގެ ފަހަތުން ދެވަނާގައި އެތްލެޓިކޯ އޮތް އިރު ލީގުގެ ތިން ވަނާގައި އޮތީ އެންމެ ފަހުގެ ޗެމްޕިއަން ރިއަލްމެޑްރިޑްއެވެ. މެޗުން މޮޅުވެ އެތުލެޓިކޯއިން ވަނީ ބާސެލޯނާއާ ދެމެދު އޮތް ފަރަގު 9 ޕޮއިންޓަށް ކުޑަކޮށްފައެވެ.
