މަރާލާފައި އޮތްވާ،މިދިޔަ ފެބްރުއަރީ މަހު 26 ވަނަ ދުވަހު ފެނުނު ސްލޮވޭކިއާގެ އިންވެސްޓިގޭޓިވް ޖާނަލިސްޓްއާއި އޭނާގެ ލޯބިވެރިއާގެ މަރާއި ގުޅިގެން 7 މީހަކު ހައްޔަރުކޮށްފިއެވެ
އެކަމާއި ގުޅިގެން ހައްޔަރުކޮށްފައިވަނީ އުމުރުން،26 އަހަރާއި 62 އަހަރާއި ދެމެދުގެ މީހުންނެވެ. އެ މީހުން ހައްޔަރުކޮށްފައިވަނީ ސްލޮވޭކިއާގެ ފުލުހުން ހިންގި ހާއްސަ އޮޕަރޭޝަނެއްގެ ދަށުން މިދިޔަ ބުރާސްފަތި ދުވަހުއެވެ.ސްލޮވޭކިއާގެ އިންވެސްޓިގޭޓިވް ޖާނަލިސްޓެއް ކަމުގައިވާ ޖޭން ކުސިއަކް 27، އާއި އޭނާގެ ލޯބިވެރިއާ މާޓިނާ މަރާލާފައި ތިއްބާ ފެނިފައިވަނީ، ސްލޮވޭކިއާގައި އެމިހުން ދިރިއުޅުނު އެޕާޓްމެންޓް ތެރެއިންނެވެ. އެ ދެމީހުން މަރާލާފައިވަނި މެއަށާއި ބޮލަށް ބަޑިޖަހައިގެންނެވެ
ޖޭން މަރުވިއިރު އޭނާ ދިޔައީ މާފިޔާއާ ގުޅުން ހުރިކަމަށް ޝައްކު ކުރެވޭ އިޓަލީގެ ވިޔަފާރިވެރިން ތަކަކާއި ބެހޭގޮތުން ދިރާސާކޮށް ރިޕޯޓެއް ތައްޔާރު ކުރަމުންނެވެ. ނޫސްވެރިޔާ ޖޭންގެ، ފުރިހަމަ ނުވެއޮތް އެރިޕޯޓު އެގައުމުގެ އަކުޓުލަޓީ. އެސްކޭ ކިޔާ ނޫހަކުން މިދިޔަ ބުދަދުވަހު ވަނީ ޕަބްލިޝްކޮށްފައެވެ
ޖޭންގެ މަރާއި ގުޅިގެން ހައްޔަރުކޮށްފައިވާ 7 މީހުންނަކީ އޭނާ ދިރާސާކުރަމުން އައި މައްސަލައާއި ގުޅުން ހުރި ބައެއްކަމަށް ގަބޫލުކުރެވޭކަމަށް އެގައުމުގެ ފުލުހުން ވަނީ ބުނެފައެވެ
ނޫސްވެރިޔާ ޖޭންއަށް އިންސާފުހޯދައި ދިނުމަށް އެދި ގޮވާލައި، އެގައުމުގެ އެކި ސިޓީތަކުގެ މަގުމައްޗަށް މިދިޔަ ހުކުރު ދުވަހު އެތައްހާސް ބަޔަކުވަނީ އެއްވެފައެވެ
ޖޭންގެ މަރާއި ގުޅިގެން މުޅި އެގައުމު ހަލަބޮލިވެފައިވާއިރު، އެގައުމުގެ ސަރުކާރުން ވަނީ އޭނާގެ މަރާއި ގުޅިގެން ތެދު މައުލޫމާތު ސަރުކާރަށްދޭ ފަރާތަކަށް އެއް މިލިއަން ޔޫރޯ ދޭން ނިންމާފައެވެ
